唔幫拖 大女要做 Model 林俊賢經濟封鎖 [壹週刊 - 1319] 林俊賢,M1,

最強星二代

43吋長腿 Denice

探熱針

唔幫拖　大女要做 Model　林俊賢經濟封鎖

前無綫小生林俊賢離開幕前後經歷人生「大時代」，輸身家妻離女散，再翻身變證券行、廣告及製作公司老闆的他，最近復出過戲癮，依然有型有款。遺傳父親演藝細胞，與林俊賢六年前再相認的長女決定入行做 model，但他極力反對，講明唔幫拖。

積極減磅

林俊賢跟第一任中英混血妻子所生的女兒 Denice，今年二十歲；據了解，六年前跟分開超過十年的生父相認後，父女倆經常見面，知道 Denice收入有限，林俊賢亦會定時定候給零用錢。

「 Denice做保險嘅，早排都攞咗傑出營業獎，不過係一 team人攞嗰種，所以佢搵錢其實唔多。」知情者說。

貌似梁洛施，有 175cm高、四十三吋長腿的 Denice，兩年前曾經嘗試向模特兒公司探路，但因為一身 baby fat，被拒諸門外。

「嗰次之後佢積極減肥， keep住日日做運動，個人細咗成個碼。其實 Denice知道老豆唔鍾意佢入行，今次都係叫表姑姐（李思捷緋聞女友 Naomi）幫手，安排佢去模特兒公司面試，都見咗四、五間，反應都唔錯，都覺得 Denice有條件，不過仲未落實簽邊間。」

Denice在 ig也有放素顏泳衣照， 34C身材呼之欲出。

54歲的林俊賢，跟 20多年前的外形差不多，只是多了一頭白髮。

在任職的保險公司攞獎， Denice早前也有放上 ig同朋友分享。

拒絕同場

有名氣父母幫出面，星二代入娛圈可以慳唔少力，但林俊賢就講明唔贊成，更加拒父女同場，尤其擔心女兒三分鐘熱度，所以會實行經濟封鎖，令 Denice明白做藝人又好，做模特兒又好，也不能抱住玩玩吓心態。

「 Denice有時買嘢會問爹哋攞錢資助，自從決定入行，佢爹哋就話唔會再俾錢佢使，仲講明唔會好似黃日華咁，同個女一齊出活動撐場，總之 Denice要靠自己，唔好諗住搵老豆幫手。」知情者說。

上週五（六月十二日）晚，記者發現一身運動服打扮的 Denice，跟住表姑姐 Naomi到銅鑼灣買化妝品，行完連卡佛再轉戰崇光，掃完貨，再到附近商場餐廳醫肚，表姑姐請客。

對於表哥林俊賢反對 Denice入行， Naomi避重就輕說：「唔算支持。（經濟封鎖佢？）佢大個女，都係時候自力更生。」

上週五晚，記者發現 Naomi跟 Denice在連卡佛及 Sogo買化妝品，全程表姑姐都在 Denice身邊俾意見。

身高 175，加上擁有 34C身材，著住緊身運動衫的 Denice，令不少男途人行注目禮。

食完飯，二人將剛買的新化妝品拿出來試玩。

上月，林俊賢接了應采兒處女監製的網劇《天才在左瘋子在右》，大過戲癮。

愛女黃芷晴入娛圈，黃日華跟她合作電視劇，又會一齊出席活動。

N年前，林俊賢跟王祖賢傳過緋聞，廿年後的今日，林俊賢依然 keep住型英帥。

星二代出台

星二代入娛樂圈，未必一定可以順風順水大紅大紫，但無論星級父母支持與否，單是「星二代」招牌，已經着數咗！

翁靜晶大女　劉萬儀

花了多年時間攻讀法律考得律師資格，但劉家良與翁靜晶長女劉萬儀卻一意孤行要入娛圈，並以 27歲「高齡」簽約模特兒公司，早前更有機會在紐約舉行的「 Tribeca Film Festival」電影節嘗試採訪工作。

關禮傑女兒　關楓馨

在英國升讀大學的關楓馨，現年 21歲，憑着陽光膚色及野性外形，去年暑假回港被廣告商邀請處女行天橋。賺咗五萬蚊零用錢的她，有意畢業後正式入行。

龔慈恩大女　林愷鈴

現年得 15歲的 Ashley（林愷鈴）是六級鋼琴高手和有聲樂底外，更常在朗誦比賽得獎，有樣有才華的她，出席過幾個品牌活動都成為全場焦點，不過龔慈恩堅持女兒先完成大學。

上山詩鈉女兒　 Hilary

遺傳媽咪基因，自小已擁有一副上鏡面孔的 Hilary， 18歲亭亭玉女加埋惹火身材，索過唔少花旦，更是星二代當中的傳媒至愛。今年 8月將到波士頓讀大學，但亦有傳她會簽約蕭定一公司。

鍾意就快D Share啦！

下一篇 》