全城熱爆的娛樂八封新聞 & 時事趣聞 & 生活 + 趣聞
趕頭趕命買買買嘅 Amanda S.，見到《壹》仔，當堂 O晒嘴。
帶住六呎外籍新歡去楊其龍囡囡百日宴嘅 Amanda S.，大方承認蜜運中，不過因為啱啱開始拍拖，唔想咁快公開男友身份，只肯透露對方係生意人，喺香港居住。
又要拍拖，又要睇住餅店生意，公私兩忙！早排《壹》仔見 Amanda S.一個人去咗銅鑼灣利園二期買童裝，求求其其，妝都唔化就出街。Amanda S.買嘅全部中童 size，仲買埋生日咭，擺明用嚟送禮。喺澳洲品牌 Seed買衫，再殺過去周嘉玲開嘅 MaMa Kid買玩具同背囊，趁店員 pack貨， Amanda S.走去對面文具鋪買埋張生日咭，呢位 auntie，真快手！
冇化妝，唯有戴實副黑超，但怕有色差， Amanda S.托起眼鏡睇真啲。
買完禮物，尾站係買生日咭。
去到周嘉玲間鋪， Amanda S.又睇玩具又睇衫。
