熱爆娛樂: Janice Man搬屋　新仔梁錦松 partner [壹週刊

2015年6月18日星期四

Janice Man搬屋　新仔梁錦松 partner [壹週刊 - 1319] Janice Man,文詠珊,M1,

上週日（ 7日），穿上露腰裝的 JM跟新男友 Carl去灣仔食法國菜。

探熱針

Janice Man搬屋　新仔梁錦松 partner

去年，文詠珊（ JM）的人生作出大反轉，事業上，收三千萬轉會費投太陽娛樂，感情方面則同梁錦松 partner吳啟楠（ Carl）撻着。和男友發展愈來愈穩定，愈搵愈有的 JM最近將搬去元朗住大屋，二人早前為安樂窩添置傢俬， Carl全程陪住女友，有商有量， sweet爆！

穩定發展

轉投太陽娛樂後，自組公司做老闆的文詠珊，剛與在內地爆紅的陳偉霆拍完古裝劇《蜀山戰紀之劍俠傳奇》，事業有新發展，愛情更得意，跟梁錦松 partner、金融才俊 Carl拍拖數月，感情穩定。

上週日（六月七日）， JM和男友孖咇出動，約了一班朋友，包括趙雅芝兒子黃凱傑的女友，到灣仔食法國菜。化了個淡妝的 JM當日穿上露腰小背心，索！落車行去餐廳期間，與男友邊行邊講，雖然沒有親蜜動作，亦默契十足。

跟友人一起離去時， JM仍掛住同 Carl說話。

走去餐廳附近的傢俬鋪時， JM熱到除掉披肩，但在街上跟 Carl始終保持距離。

JM本來用二萬幾租屯門豪宅，但業主收樓，她要搵屋搬。

有商有量

食完飯， JM逐一跟 Carl的朋友道別，非常得體。離隊後，二人在附近行傢俬店，將搬屋的 JM主力試梳化， Carl就不斷在旁俾意見，大家有商有量，但無論男友說什麼， JM都報以甜笑，冧爆！

「 JM本來住屯門，但業主收樓，佢喺元朗搵咗間獨立屋。 Carl本身住粉嶺，大家都方便。 JM唔鍾意同居，覺得保持各自空間好啲。雖然成日要出 trip，之前喺大陸拍《蜀山》又走咗幾個月，但 Carl一有時間就飛上去探 JM，感情發展得好穩定。」知情者說。

當日跟朋友聚會， JM和 Carl坐在一起，在朋友圈中關係已很公開。

溫馨撫背

食肆內沒太多客人， JM和 Carl動作親密起來， Carl輕撫她背部。

專睇梳化

JM搬屋需買梳化， Carl為她細心挑選。

JM研究其他梳化是否適合在新居擺放， Carl在旁不停給她意見。

iBANK筍盤

JM的男友吳啟楠現年 31歲，自小在外國讀書，由於成績優異，中學時跳班， 16歲已經中學畢業的他，以拔尖直入 LSE（ The London School of Economics and Political Science）主修經濟，並獲甲級榮譽畢業。大學畢業後，獲投資銀行 UBS招手任分析員， 07年加入黑石（ Blackstone），得前財爺梁錦松賞識，現於黑石私募股權擔任執行董事。此外，在粉嶺和半山都有豪宅的 Carl亦有投資月租儲物箱公司 Boxful，梁錦松、康師傅以及鷹君等都是主要股東。

結婚對象

現年二十六歲的 JM曾表示希望在三十五歲前結婚生仔，她亦視 Carl為結婚對象，只是想在婚前搏殺多幾年，做出成績。

「 JM覺得男人最緊要有目標、有方向、有自己諗法， Carl完全符合佢要求。佢哋亦有晒共識，現階段都要努力工作， Carl除咗做金融，自己仲有月租儲物箱公司，而 JM套《蜀山》明年初會喺湖南衞視播，電視台方面好有信心，所以 JM好大機會喺大陸爆紅。」知情者說。

《蜀山》是重頭劇，劇中與爆紅的陳偉霆做一對，絕對有助剛在內地起步的 JM，加上外界對她在電影《赤道》中的表現一致好評，甚至有機會爭取到提名，出道十年的 JM，將進入收成期。