本來朴信惠打算喺香港多留兩日周圍去玩，可惜收到爺爺過身嘅消息，當晚漏夜就搭夜機返韓國。
日韓到會
孝順女神朴信惠
韓國娛樂圈人才輩出，要維持人氣真係一啲都唔容易，可以連續五年喺「百想藝術大賞」奪得人氣女子獎，朴信惠絕對稱得上係新一代女神。今年 25歲嘅朴信惠拍過多套人氣偶像劇，包括《原來是美男》、《繼承者們》、《 Pinocchio》等等，喺亞洲人氣超高，仲係韓國第一位舉行亞洲巡迴粉絲見面會嘅女演員。
今次喺香港舉行首個簽名會，本來係一件值得開心嘅事，不過見到佢玩遊戲時，雖然盡力融入氣氛，卻似有啲強顏歡笑，唔太投入，原來佢活動當日早上收到爺爺喺韓國過身嘅消息，所以心情沉重，仲不禁眼濕濕。其實朴信惠一向同爺爺感情好好，上年年尾喺頒獎禮上領獎，朴信惠喊住咁話希望患病嘅爺爺可以盡快康復，可惜最後撒手人寰。 Fans聽到都非常心痛，大家安慰佢時，佢仲裝出笑容話自己無事。其實要由個心靚出嚟，呢啲先可以叫做女神，又專業又孝順，朴信惠可以 keep到咁紅係有原因嘅！
|
鍾意就快D Share啦！
|
|
|
