戴夢夢擺出一副 winner的姿態，拖 Ricky到中環撐枱腳。
探熱針
正印封嘴斷水搞離婚 戴夢夢錯咬空殼 Ricky
對人夫、大叔情有獨鍾的戴夢夢，因合作太極演唱會，𥄫中有老婆又有米的 49歲鼓手朱翰博（ Ricky），火速姣擒唔放。上週一（六月八日），戴夢夢高調拖實 Ricky到中環 Landmark撐枱腳，惹來 Ricky嫂宋怡欣（ Anne）高調怒插，強調同老公未離婚，更兩度撞破姦情。
面皮不值錢，戴夢夢為了挾實 Ricky，不惜上演慾火街頭，當街趷籮兼除裙，繼而搵時鐘酒店爆房。以為生擒有米中坑，實情 Ricky能夠揸跑車、玩 HiFi，全靠做投資銀行高層的老婆 Anne放水。
老公貪新忘舊， Anne決定放手；贏了夢夢、失去水喉的 Ricky，隨時打回原形。
正印小三出招
這場正印、小三大戰，始於上週一（八日）下午，戴夢夢拖住 Ricky到中環 Cafe Landmark撐枱腳斷正，更風騷地對鏡頭揮手 say hi，高調宣示戀情。相反，全程閃縮避鏡頭的 Ricky，對於同夢夢的關係答得模棱兩可，只承認已回復單身：「我哋（同老婆）分咗居，搬開咗一段時間！」
報導出街後，正印宋怡欣向傳媒發出三封告密信，揭發兩次捉姦斷正，同老公 Ricky只是剛剛分開，並未分居甚至離婚。
據知，原本在渣打銀行任職高層的 Anne，今年轉職到另一投資銀行上班。
「明知人哋老婆喺中環返工，就拖 Ricky落中環開餐，個女仔根本立心不良； Ricky咁大個人又唔分輕重，未離婚話自己單身， Anne响公司位高權重，明知會俾人講閒話，都要走出嚟爆料，可想而知佢有幾嬲，雖然而家已經冷靜番啲，但份工咁大壓力，同老公又搞成咁，大家都好擔心 Anne未必撐得住。」一名熟悉 Ricky兩公婆的知情者說。
錢財身外物
Ricky同 Anne結婚二十七年，育有一名兒子，由於有過度活躍症，至今仍要專人照顧。多年來， Anne一力撐起頭家，讓 Ricky自由夾 band，還打本給他開音樂學校。
搵到錢的 Anne對老公無限付出， Ricky可以由馬莎拉蒂換到保時捷， Anne甚至豪花過百萬買音響器材氹另一半。
正印爆料後，戴夢夢為拑實 Ricky，不惜自導自演一幕慾火街頭，當街趷籮露底，甚至四度除裙。小三激進， Anne反而恢復冷靜，決定封嘴保住事業。留言回覆本刊時，正印更加表現徹底死心：「祝福他們！」「繼續努力工作，重新生活！」至於昔日送給 Ricky的名貴跑車及音響組合，她大方說：「錢財身外物，再賺過就好。」
最緊要有錢
現年 30歲的戴夢夢，入行超過十年，緋聞榜上的異性有老有嫩，通殺！但最終目標，只為釣金龜。
陳定幫
09年，與人稱「鬼王」的陳果齊之子陳定幫 Clement撻着，二人同遊曼谷，被拍到相擁激吻，纏綿捽太陽油，之後一度傳出婚訊，但有傳因為女方「劈腿」，兩年情玩完。
幕後中佬
06年被拍到與一名姓胡的幕後中佬暗交，二人消夜後手拖手返回男方土瓜灣寓所過夜。
|
鍾意就快D Share啦！
|
|
|
