余思敏用明星孭帶 [壹週刊 - 1319] M1,

囝囝夠晒斤兩，余思敏要照顧大隻 B，難怪咁快修身。

同你吟一吟

余思敏用明星孭帶

無論你係窮媽媽抑或富媽媽，你都會俾仔女最好嘅嘢！今年月中為老公鄭中基生咗個慈姑椗嘅余思敏，小朋友著嘅用嘅，都有番咁上下。

上個禮拜五（十二日），《壹》仔見到抱住 B嘅余思敏同朋友加埋外傭現身銅鑼灣。產後四個月，鄭太已經修咗身，至於 B仔就同爸爸一樣有對矇豬眼，手粗腳粗，望落係大隻 B。

慈姑椗斤兩十足，余思敏揀孭帶，絕對唔可以馬虎，所以佢選擇瑞典品牌 Baby Bjorn。呢隻牌子嘅孭帶可以用到三歲，設計除咗會保護 BB嘅脊骨，亦顧及埋媽咪條腰同背脊，唔使擔心因為抱 B抱太耐，令脊骨勞損，荷李活巨星安祖蓮娜祖莉同 Beyonce呢班超級星媽都係用佢，所以承惠二千蚊條，有佢道理。

Baby Bjorn嘅孭帶設計會照顧埋媽咪嘅脊骨，真係一分錢一分貨。

Beyonce同安祖蓮娜祖莉，都用 Baby Bjorn孭帶。

鍾意就快D Share啦！

下一篇 》