掃呢頁CODE去手機

2015年6月18日 星期四

李霖恩搵錢 x 2 [壹週刊 - 1319] 李霖恩,M1,



上月尾,李霖恩帶住大女 Gianna,羅敏莊就同囡囡陳禛行親子 catwalk,小朋友表現毫不怯場,兩位星爸星媽大好錢途。

同你吟一吟

李霖恩搵錢 x 2

早排李霖恩帶住六歲大長女 Gianna李清宜做時裝騷,囡囡唔怕醜,行完 baby catwalk之後仲即場示範普通話講得有幾好。

表演慾強嘅 Gianna,有得玩又可以搵零用錢,仲幫爸爸製造財路!上個禮拜四(六月十一日),《壹》仔見到李霖恩同個男人喺圓方露天茶座 gathering,兩個麻甩佬大聲講大聲笑,李霖恩更加煙駁煙,直到多咗位女士加入,兩男即刻靜晒。

只見該名女子一坐低,就攞出一份國內大型屋苑,嚟緊七月會推出親子活動嘅內容介紹,期間李霖恩一直點頭,細心聽對方講解。

原來係生意經!返內地賺人仔,仲要係父女咇一齊,雙計!既然未知有冇得留低响新版《愛•回家》,李霖恩一家大細可以去玩,又有外快賺,暑假最佳娛樂

未正式傾公事,李霖恩同朋友邊講邊煲煙。

呢位女士一坐低,就向李霖恩講解屋苑有關小朋友嘅活動內容,圖文並茂。

雖然做完《愛•回家》之後,都係《愛•回家》,但演員陣容大換血,舊嗰班大部分冇得留低。

鍾意就快D Share啦!