掃呢頁CODE去手機

2015年10月29日 星期四

得寵有原因 甘比家教好 [壹週刊 - 1338] 甘比,M1,



同你吟一吟

得寵有原因 甘比家教好

跟咗大劉劉鑾雄超過十五年嘅甘比,○八年生咗大女秀樺,前年細仔出埋世,完成任務。要湊住一對仔女同已經六十四歲嘅大劉,甘比基本上已經冇乜私人時間,加上唔鍾意依賴工人,所以有時就算約咗朋友,佢都會湊埋對仔女去。

早排《壹》仔就見到甘比帶住兩個細路,同個女人加埋個小朋友一齊喺中環 Cafe Landmark食 lunch。

十二月中先滿三歲嘅小大劉 Joseph Junior,愈大就愈似同父異母嘅大佬劉鳴煒,都係靚仔一個。坐低食嘢,小大劉自己搞掂,食完薯條,唔使媽咪叫,自動自覺攞紙巾抹手,好有規矩。

唔俾對仔女立亂飲外面啲水嘅甘比,會帶埋水壺去開餐,兩姊弟一人一個,細佬仲主動遞埋水壺俾家姐,甘比教仔,有一手!點解咁得寵,總有理由。

食完嘢,小大劉自動自覺用紙巾抹手。

甘比俾咗隻叉個仔自己食蛋糕,至於七歲秀樺就認為電話比蛋糕吸引。

兩姊弟都自備水壺,小大劉仲照顧埋家姐。

是日甘比媽冇出動,甘比一拖二。

食完飯去買 Macaron,俾媽咪抱起揀完口味,小大劉開心到扎扎跳,打出肚皮。

撰文:八珍

鍾意就快D Share啦!