溫拿終極散Band劉嘉玲力挽絕響 溫拿,劉嘉玲,嘉玲,

溫拿終極散Band劉嘉玲力挽絕響

由譚詠麟領軍的本地殿堂級溫拿樂隊今年成立42周年，期間曾經歷解散、重組，陪伴香港人「Sha La La La」La足近半個世紀的五把聲音將成絕響，因溫拿五虎擬在明年初紅館演唱會上宣布「終極散Band」，告別留下無數汗與淚的紅館舞台。驚傳解隊消息後，身為溫拿好友兼頭號粉絲的劉嘉玲，大感不捨，將落力游說五虎改變初衷。

（左起）：葉智強、鍾鎮濤、譚詠麟、彭健新、陳友

溫拿即將在紅館開騷，側聞此騷之後將永久解體。

由譚詠麟（阿倫）、鍾鎮濤（阿B）、彭健新、陳友及葉智強組成的溫拿樂隊成軍42年，其《L-O-V-E Love》、《Sha La La La》等無數金曲是不少香港人的集體回憶，期間樂隊曾在1978年經歷解散，至2006再宣布復出。

明年紅館騷後解體

本來溫拿宣布明年2月合體舉行紅館演唱會，對歌迷來說實屬佳音，但本報收到可靠消息，五虎正考慮屆時宣布從此告別紅館，意味這隊屹立樂壇42載的樂隊終極解散，明年的紅館騷可能是溫拿告別一唱，正式在紅館舞台畫上句號。據知今次「散Band」決定仍在醞釀中，事關隊內出現兩邊不同的聲音，知情人士透露：「有成員覺得自己年紀大，唔通真係唱到70幾歲咩，所以希望借今次演唱會同歌迷告別，留番個最美好回憶。」但亦有成員反對解散，希望活到老唱到老，所以暫時仍未達成最終共識。阿倫近日則上載與四虎積極為新歌錄音的照片，表面未覺有任何異樣。

劉嘉玲聞得溫拿真正散Band，大感不捨，正落力游說各成員打消此念。	劉嘉玲、阿倫感情要好。	劉嘉玲、梁朝偉跟阿B十分友好，經常一起玩樂！

• 阿倫、李克勤舞台上、生意上都是好拍檔。

據悉解隊消息傳出後，與溫拿五虎分屬好友兼頭號歌迷的劉嘉玲感到震驚及可惜，本報就此致電嘉玲，她承認確有其事，事緣中秋節她參加私人聚會時，從圈中好友口中得知溫拿擬解散一事，聽溫拿歌長大的嘉玲感到難離難捨，感慨的說：「真係好錯愕同唔捨得，從歌迷角度去睇，如果溫拿真係告別紅館真係好可惜，佢哋喺香港貢獻好多，創造咗唔少輝煌成績，如果無以為繼會好難過。」

60歲仍有心有力

嘉玲又說：「佢哋平均60幾歲年紀唔算大，舊年我去睇平均年齡70幾歲嘅外國樂隊The Rolling Stones演出，佢哋一樣寶刀未老唱足兩個半鐘！」嘉玲又指與阿倫、阿B交情最要好，每逢出席私人派對，他們都會歌王上身：「佢哋都係好鍾意唱歌嘅人，每次都會拎起支咪高歌一曲，帶起熱烈氣氛。」她打算做中間人游說五虎收回「散」命，希望他們改變解隊的想法：「我會努力嘗試，唔知得唔得，深信好多香港歌迷同我有一樣諗法同心聲。」

另外，嘉玲被拍到與關之琳男友、台灣富商陳泰銘孖住行山，似乎另有所指，對此嘉玲表示見怪不怪：「習慣晒，冇所謂啦，我成日都去行山，呢排都有約陳生行，搵志同道合朋友行山有乜問題？」

文：音樂組

鍾意就快D Share啦！

下一篇 》