全城熱爆的娛樂八封新聞 & 時事趣聞 & 生活 + 趣聞
唔 happy要搵位發洩！有人會勁食，亦有人鍾意亂使錢！俾拍拖九年男友莊家彬設局甩身嘅傅明憲，就選擇不停出埠度假，遠至歐洲，近至菲律賓，都飛！早幾個月，佢仲正式考埋潛水教練同急救教練兩個牌，勁投入！
傅明憲話過去咗冇得返轉頭，所以佢冇自暴自棄，好好照顧自己之餘，亦好好照顧屋企三隻狗，又幫手暫養兩隻四歲北京狗，希望等到人接收。有晚《壹》仔喺淺水灣見到傅明憲，同外傭帶住三隻寶貝狗，加埋個拖住隻 Poodle嘅朋友一齊，三人四狗一架的士返去西半山屋企。諗吓諗吓，人不如狗四個字，特別適用於傅明憲，養狗，得你遺棄佢，但瘟仔，九個月又好，九年又好，都可以話撇就撇！
外傭手抱一隻，傅明憲拖住兩隻，加埋朋友隻 Poodle，三人四狗塞晒上的士。
8月去完希臘晒胸， 10月生日又去咗菲律賓潛水，冇仔瘟一樣好充實。
撰文：八珍
