熱爆娛樂: 撤離沙頭角　江華搬月租$33,000獨立屋 [壹週刊

2015年10月29日星期四

撤離沙頭角　江華搬月租$33,000獨立屋 [壹週刊 - 1338] 江華,M1,

染了一頭金髮的江華，十足華 Dee上身。

探熱針

撤離沙頭角　江華搬月租$33,000獨立屋

現年 52歲的江華，受腰傷困擾停工多年，要靠老婆麥潔文教唱歌登台孭起頭家，更因為租平，要搬到沙頭角。直至今年六月，江華復工轉行做保險經紀，又創辦中華創富精萃會準備大展拳腳外，最近更撤離沙頭角，以月租$33,000租住上水歌賦嶺三層獨立屋。比劉華更劉華的江華，返嚟喇！

最緊要有保安

在沙頭角凹下村住了五年的江華，原來已靜雞雞搬走！上星期三（十月二十一日）中午，江華揸車離開位於上水歌賦嶺的新居。

「江華一家住咗喺沙頭角五年，村屋地下嗰層，只係八千蚊租，仲平過旺角啲劏房；但幾個月前業主話要收番間屋嚟賣，先逼住要搵地方搬。本來佢哋想住番凹下村，但條村細租盤唔多，佢哋又慣咗靜，見呢度（歌賦嶺）啲屋密度唔高，加上有看更，唔使好似舊居咁，成日俾啲 fans當景點企喺屋企門口影相留念，所以就算呢度未計管理費，屋租要三萬三，江華都決定揀呢度。」知情者說。

由上水揸車到觀塘工業區，是日冇戴帽，染了一個金頭的江華，泊低車再會合友人到附近的餐廳午餐。食完飯，一行人上了位於開源道的豐利中心，據知任職保誠保險的江華，最近創辦了一個叫「香港中華創富精萃會」的組織。

「江華呢個會係專保障一啲留港做金融保險業嘅國內生，同嚟香港購買金融保險產品嘅國內人士嘅機構，佢係個會嘅首席董事，搞咗冇耐，而家仲整緊 office嘅嘢。」

位於上水粉錦公路的歌賦嶺，是低密度設計，江華一家四口住獨立屋，環境比沙頭角華麗得多。

江華在廳中影出屋外，並放在朋友圈與友人分享搬家的喜悅。

舊居月租$8,000

趕上堂亂泊車

一口氣睇了兩個單位後，江華揸車離開到九龍灣國際展貿中心，趕時間的他更不顧被鎖車，求其將自己架車泊在月租車位後，便急急腳行去搭𨋢上六樓，原來是趕住上四點開始的「法規培訓」保險課程。

江華創辦的香港中華創富精萃會，辦公室於觀塘工業區。

江華 chok住泊車，泊完車 chok住行去搵朋友，行步路都 chok過人。

醫飽個肚後，江華與友人先後上了兩個辦公室單位視察。

與友人食午餐時，江華滔滔不絕，似有大計傾。

要時間適應

停工五年，腰傷和情緒已完全康復的江華雖然已屆中年，但狀態弗爆，吸引不少公司邀請復出拍戲拍劇。

「腰傷搞到江華抑鬱，乜都做唔到，要全面停工，咁多年全靠老婆麥潔文，要搵食又要照顧家庭同仔女，舊年江華開始好咗好多，慢慢出返嚟同番啲朋友接觸，加上近呢幾個月佢見報率好高，證明自己仲有價值，信心都返晒嚟！有唔少人搵佢返國內拍劇，不過佢仲考慮緊，始終拍戲可能適合佢多啲，因為停咗咁耐，拍劇郁吓手幾個月，身體都要適應。」知情者說。

早前，江華與老婆麥潔文帶女兒見唱片監製藝琛，出心出力為女兒實踐歌手夢。

視察完辦公室後，江華趕住上堂，公司安排了「法規培訓」的保險課程給新入行的新手。

江華早前擺了張與劉華的合照在微博，並透露將會跟他有合作。

女兒陳薔天準備入行做歌手，愛女心切的江華，主動為女兒改形象。

賢內助

江華嫂麥潔文（ Kitman） 77年參加過香港小姐，入圍前十五名，最後因身體不適而退選。 79年， Kitman參加 TVB舉辦的業餘歌唱比賽奪得冠軍入行，經典金曲包括《勁舞 Dancing Queen》、《夜夜痴纏》、《萊茵河之戀》及《一簾幽夢》等。 92年和江華婚後淡出樂壇，轉型做唱歌老師，星級學生如郭富城、朱茵、黃伊汶等，每堂學費收$1,000的她，除了教唱歌，還有不少登台演出機會，全靠佢，擔家多年，讓被腰傷所困的江華可以放心靜養。