嫌帝景園潘霜霜瞓過 吳千語𦧲掂林峯換屋同居 [壹週刊 - 1338] 林峯,潘霜霜,吳千語,千語,M1,

拍拖 3年，千語 BB同林峯關係發展到同居， BB做「廈門新抱」指日可待。

探熱針

嫌帝景園潘霜霜瞓過　吳千語𦧲掂林峯換屋同居

七愛林峯同吳千語拍拖 3年，被收到貼貼服服，在男友全面照顧下， 22歲的 BB衣食住行一律升級。數月前，千語 BB又𦧲掂林峯，購入薄扶林嘉林閣一個 2,549呎單位，市值 6,200萬。新居裝修完，二人便正式展開同居生活，成為新屋女主人的 BB，再向「廈門新抱」，邁前一大步。

唔肯做二手女主人

拍拖以來，住帝景園的林峯雖然與千語 BB各有各住，但每月仍使多九萬，租咗個港島西豪宅單位，供女友與家人享用。今年初，千語 BB因為胃酸倒流搞到厭食，瘦到得棚骨，男友心痛，為氹 BB開心番，林峯決定還女友心願，扑槌買入豪宅，準備同居。

「千語𦧲佢買樓𦧲咗好耐㗎喇！佢哋上年已經開始搵樓，睇過幾個盤都係薄扶林嗰一帶，嘉林閣個單位先後睇咗三次先拍板。阿峯住開帝景園，但因為俾之前啲女朋友好似潘霜霜住過，千語講明唔會搬入去，點都要𦧲男友換過間屋先一齊住，而家終於得償所願，買咗層咁貴嘅樓，傢俬電器全部唔貴唔買，今次搬屋，都使唔少錢。」林峯身邊人透露。

唔肯執二攤，千語 BB要住新屋，早前二人被拍得十五分鐘豪使 15萬買雪櫃焗爐，為新居添置家品。

嘉林閣全幢以複式設計，所有單位望海，啱晒千語 BB心意。

今年 5月，林峯以「業權轉讓」方式，買入薄扶林嘉林閣複式單位，並以順風投資有限公司持有。

比同區樓價貴

對於千語 BB的要求，林峯有求必應！大灑金錢豪裝愛巢外，早前本刊更拍得二人拍拖添置家品，十五分鐘使十五萬眼都唔眨，買入新款雪櫃同焗爐。揸住新屋鎖匙的 BB，不時會到新屋監工睇裝修。

「最後扑槌買呢間屋，係因為千語鍾意複式設計，所以就算單位比同區樓貴，阿峯都話冇所謂，仲親自攞張千六萬嘅票去落訂，總之只要氹到女友開心，乜都得！」身邊人說。

一向身無幾兩肉的千語 BB，因為胃酸倒流搞到厭食，瘦到得番 88磅。

林峯定時定候會帶 BB出埠歎世界， BB在東京買胸圍，男友找數。

早前千語 BB憑住電影《王家欣》初嘗「最佳女主角」滋味。

千語 BB正在韓國拍戲，日前林峯孖住助手到中環睇脊醫，晚上再單拖出席老闆楊受成結婚周年派對。

撰文、攝影、攝錄：娛樂組

鍾意就快D Share啦！

下一篇 》