53歲大美人關之琳同台灣富商陳泰銘拍拖近8年，隔幾年就傳佢哋會結婚，好似今年4月又傳會去法國完婚，之之當然否認有其事，仲強調想要一個伴，唔會強求一紙婚書，更講到結婚會有壓力。
二人戀情已屬公開，陳泰銘多次公開出席佢嘅美容生意活動，以及之之朋友嘅喜宴場合，更同之之嘅女性友人friend埋。今日就有報道影到陳泰銘同人妻劉嘉玲一齊喺港島行山，一向同男友有行山習慣嘅之之，佢同嘉玲又份屬好友但冇預佢份。
有指陳泰銘同嘉玲除咗成為行山腳，仲有密密見，就算陳泰銘留港日子亦有獨自行山，不過就未見之之踪影。
之之與陳泰銘拍拖以來，已全面息影，有男朋友細心照顧，加上投資有道，過着養尊處優嘅闊太生活，同男友喺半山豪宅同居，出入均有佢名下座駕同司機接送。據悉，二人近兩個月感情有變，正處於冷戰之中，之之更搬離男友寓所，搬咗去跑馬地住，亦再冇用男友名車出入。
之之近日喺微博大多數post美食相，同埋與柴犬為樂嘅玩樂相，佢曾於一個月前喺ig透露此小狗係生日禮物。其實之之同男友最近一次出席公開場合已經幾個月前的事，就係6月出席之之搞嘅自家護膚品牌活動，之後大部份時間都係佢獨自出席活動多。
好似今個月頭佢就一人出席慈善活動時，被問到會否效法黃曉明同Angelababy般大曬金錢嘅盛大婚宴時，之之都擰頭表示唔會，估計當時二人已「分居」了一陣子。
| 之之同陳泰銘舊年齊齊去劉嘉玲生日會。(資料圖片) |  之之同男友拍拖近8年，傳結婚都傳咗幾次。 (資料圖片) |  今年6月，陳泰銘高調去捧女友搞護膚品牌活動。 (資料圖片) |
 之之近月有新寵，就係佢隻柴犬小狗。 (關之琳微博) |  嘉玲成為陳泰銘行山腳，之前仲被傳媒影到一齊行山。 (劉嘉玲微博) |  之之都有同男友行山嘅習慣。 (關之琳微博) |
 陳泰銘因之之關係同嘉玲熟。 (資料圖片) |  舊年12月齊齊去賀嘉玲生日。 (資料圖片) |
|
鍾意就快D Share啦！
|
|
|
