掃呢頁CODE去手機

2015年10月29日 星期四

傅明憲湊狗好過瘟仔 [壹週刊 - 1338] 傅明憲,M1,



同你吟一吟

傅明憲湊狗好過瘟仔

唔 happy要搵位發洩!有人會勁食,亦有人鍾意亂使錢!俾拍拖九年男友莊家彬設局甩身嘅傅明憲,就選擇不停出埠度假,遠至歐洲,近至菲律賓,都飛!早幾個月,佢仲正式考埋潛水教練同急救教練兩個牌,勁投入!

傅明憲話過去咗冇得返轉頭,所以佢冇自暴自棄,好好照顧自己之餘,亦好好照顧屋企三隻狗,又幫手暫養兩隻四歲北京狗,希望等到人接收。

有晚《壹》仔喺淺水灣見到傅明憲,同外傭帶住三隻寶貝狗,加埋個拖住隻 Poodle嘅朋友一齊,三人四狗一架的士返去西半山屋企。

諗吓諗吓,人不如狗四個字,特別適用於傅明憲,養狗,得你遺棄佢,但瘟仔,九個月又好,九年又好,都可以話撇就撇!

外傭手抱一隻,傅明憲拖住兩隻,加埋朋友隻 Poodle,三人四狗塞晒上的士。

8月去完希臘晒胸, 10月生日又去咗菲律賓潛水,冇仔瘟一樣好充實。

撰文:八珍

鍾意就快D Share啦!