掃呢頁CODE去手機

2015年10月29日 星期四

炮製大隻 B 梁詠琪不停媽媽奶 [壹週刊 - 1338] 梁詠琪,M1,



同你吟一吟

炮製大隻 B 梁詠琪不停媽媽奶

啱啱同老公 Sergio帶埋囡囡返西班牙鄉下探親嘅梁詠琪,上星期二(十月二十日)等埋老公收工,一齊去咗太子大廈 Mother Care買嘢,囡囡 Sofia就坐响自己架戰車度腳撐撐,爹哋推車,媽咪就係咁掃。

啱啱滿八個月(二十八日)嘅 Sofia因為仲係食緊人奶,生得比同齡 BB大隻,適齡嘅衫仔鞋仔,早已經唔啱,搞到好多 auntie uncle送嘅禮物要報銷。

聽二五講,梁 Gi打算喺囡囡一歲前都繼續餵人奶,所以生完到而家,飲食生活全部好小心,就算出埠開工,都會帶埋泵奶工具去,盡量唔嘥。

母愛偉大,舊年年尾同捷克籍女模 Martina啤咗個女出嚟嘅楊其龍,亦轉晒性,變咗住家男,不過做 playboy做到好似楊其龍咁,搞夜場搞到識到老婆生埋女,邊度搵!

啱啱滿八個月嘅 Sofia,手長腳長又周身肉,超得意。

入到 Mother Care,梁詠琪逐樣執,老公 Sergio就拎住個玩具氹女。

一家三口去 ifc飲茶,一落車就撞到朋友,俾媽咪抱住嘅 Iliana,其實比梁 Gi個女早出世兩個幾月,但望落就似差唔多大。

撰文:八珍

鍾意就快D Share啦!