2016年4月14日 星期四

自投羅網 杜汶澤撞正舊愛顏仟汶 [壹週刊 - 1362] __,杜汶澤,顏仟汶,M1,

娛樂偵訊自投羅網 杜汶澤撞正舊愛顏仟汶一班台前幕後前亞視人,上週舉行每年一度的「A記同學會」聚會,由於撞正亞視熄機「頭七」,參加人數踴躍,當中包括已過檔無綫的江美儀、陳煒等人,至於去年被指為避前度顏仟汶冇蒲頭的杜汶澤,以為今年亦缺席,但就送出一萬蚊作抽獎獎金,不過在臨散席前,阿澤玩驚喜突然出現,撞正前度未走,合照避無可避。阿澤陳煒科水抽獎上週五(四月八日)晚,「A記同學會」包起尖沙咀一間酒樓搞聚會 ...


娛樂偵訊

自投羅網 杜汶澤撞正舊愛顏仟汶

一班台前幕後前亞視人,上週舉行每年一度的「 A記同學會」聚會,由於撞正亞視熄機「頭七」,參加人數踴躍,當中包括已過檔無綫的江美儀、陳煒等人,至於去年被指為避前度顏仟汶冇蒲頭的杜汶澤,以為今年亦缺席,但就送出一萬蚊作抽獎獎金,不過在臨散席前,阿澤玩驚喜突然出現,撞正前度未走,合照避無可避。

阿澤陳煒科水抽獎

上週五(四月八日)晚,「 A記同學會」包起尖沙咀一間酒樓搞聚會,知道仍有舊同事未有糧出,發起人之一江美儀感觸表示長痛不如短痛,結束是另一開始,兼且公開呼籲業界,以亞視員工忠心,作為聘用優先考慮,聲援一眾舊同事。

「亞視終於玩完,所以今年大家特別踴躍,有成五百人參加,但其實個場都擺唔落咁多人,有啲遲嚟嘅都要打游擊周圍黐位坐,不過大家都係志在見吓敍舊。阿澤一早講咗唔到,但佢拎咗一萬蚊出嚟抽獎,早走嘅陳煒同朱慧珊都有拎錢出嚟抽,分咗好多個幾百蚊嘅現金獎,大家開心!最特別係安排鮑(起靜)姐特別頒個最佳女配角獎俾(吳)浣儀姐,補償佢喺金像獎輸咗!」一名有出席的前亞視員工說。

第一次大合照

第一次大合照時,顏仟汶好風騷,同身邊的梁碧芝搭膊頭舉 V。

第二次大合照阿澤出現

接近凌晨,杜汶澤趕到現場,同冇早走嘅顏仟汶一齊影大合照,刻意唔望右手邊。

聚會中,有已過檔大台的秦啟維(左三)、同洗米華傳過緋聞的馮雪冰(左一),和六合彩女郎周嘉莉(白衫)等人。

11年,同杜汶澤分手後,顏仟汶拍過三級片,婚後退出娛圈開酒吧,近日又宣布復出拍戲。

吳浣儀落敗今年金像獎「最佳女配角」,當晚舊同事補送一個獎給她,由鮑起靜代頒。

杜汶澤同田蕊妮婚後都經歷唔少,在娛圈上上落落的阿澤,近年明顯低調。

大塊田講明唔到

據了解,為避開前度顏仟汶,去年缺席「同學會」的杜汶澤,今年亦講明同老婆田蕊妮繼續甩底,差不多到散席時,阿澤又失驚無神出現,自製驚喜的他一踏入酒樓,即被大家輪住集郵,又取笑他是「 TV Buddy」,搞到平時牙尖嘴利的他唔識反應。

「好多亞視人都知,當年阿田係阿澤同顏仟汶嘅第三者,所以阿澤兩公婆會盡量避開三個人同場出現。顏仟汶今年都有報名,阿澤亦講咗話唔到,不過後來有人係咁打電話俾佢,叫佢點都趕嚟影張相;阿澤十一點半左右趕到嚟,雖然兩個人都有一齊影大合照,但分到好開,亦冇傾過偈。」

朱慧珊

當晚有不少藝人出席聚會,雖然朱慧珊跟陳煒早走,但都有拎錢抽獎,而江美儀及顏子菲則留到最後。

陳煒

顏子菲

江美儀

葉家寶不受歡迎

田蕊妮避席外,前高層葉家寶以及公關黃守東,當晚亦意外未有現身。

「亞視拖糧呢段時間,好多同事都覺得佢兩個講嘢好官腔,完全冇企喺員工嗰邊,所以大家唔 like佢哋,好似阿東早幾日仲講緊見過司榮彬,話有消息會通知同事,但大家根本都冇奢望會有乜好消息。其實佢哋自己都知,明知不受歡迎,所以都冇報名參加,費事嚟到面懵懵。」一名前亞視人說。

田蕊妮在無綫劇接劇備受重用, 15年更打敗汪阿姐、胡定欣同鍾嘉欣獲視后。

亞視前執行董事葉家寶,在亞視熄機當日出書爆大鑊,食正時間做宣傳。

被指是亞視最後發言人的黃守東,臨走前獲宮雪花送贈書法,替他打氣。

近日杜汶澤為他跟黃秋生孭飛的電影《選老頂》宣傳造勢,周圍去戲院謝票。

顏仟汶代還賭債

杜汶澤與顏仟汶已經分開十六年,雙方各有家庭,但時至今日,阿澤仍會刻意迴避前度。

二人 97年在亞視結緣,雖然拍拖只有一年多,但顏仟汶對杜汶澤火裡火裡去,即使他只是亞視「霉菜」藝員一個,又經常欠下賭債,不過顏仟汶卻無限包容,甚至代還債項。

無限付出,換來是被狠撇。 99年,因為田蕊妮介入,杜汶澤即離棄與自己甘苦與共的顏仟汶。

有指有日杜汶澤瞓醒,就跟枕邊的顏仟汶說分手。過去顏仟汶也曾在訪問中重提舊事。「杜先生好絕,話分手就分手,用四個鐘就將屋企所有屬於自己嘅嘢搬走。」顏仟汶說分手後,她仍有跟痛錫她的澤媽保持聯絡,而澤媽亦永遠不會在她面前提杜汶澤三個字。

分手不再是朋友, 00年顏仟汶在公開活動碰上田蕊妮,記者要求影合照,阿田左閃右避,受傷的顏仟汶反而大方接受。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...