2016年9月21日 星期三

【NG40次】蔡少芬自揭畀幕後粗口鬧爆 __,蔡少芬,

蔡少芬話佢當年第一次拍劇NG咗40次,搞到畀幕後用粗口鬧爆。近年主要在內地拍劇的女藝人蔡少芬(Ada),在其有份主演的電影《S風暴》中跟三大型男古天樂、張智霖及周渝民合作。片中Ada飾演ICAC要員,主力協助古仔破案,講到被古仔踢爆有場戲頻頻NG,Ada直言被翹口專業對白考起,她解釋說:「我不嬲講嘢流利,只不過好多資料要講,唔錯得!都唔記得NG咗幾多次。(破紀錄?)唔係!當年第一次拍電視劇《風之刀 ...




其他影片:>>






蔡少芬話佢當年第一次拍劇NG咗40次,搞到畀幕後用粗口鬧爆。

近年主要在內地拍劇的女藝人蔡少芬(Ada),在其有份主演的電影《S風暴》中跟三大型男古天樂、張智霖及周渝民合作。片中Ada飾演ICAC要員,主力協助古仔破案,講到被古仔踢爆有場戲頻頻NG,Ada直言被翹口專業對白考起,她解釋說:「我不嬲講嘢流利,只不過好多資料要講,唔錯得!都唔記得NG咗幾多次。(破紀錄?)唔係!當年第一次拍電視劇《風之刀》,我NG咗40次,記得走位就唔記得對白,一係遮咗對手啲光,結果畀幕後用粗口鬧,不過係自己抵死嘅,呢次係教訓,邊個就唔好講,我都好多謝嗰位先生。(做咗視后就冇人敢鬧?)都有大膽嘅人㗎,呢行好多人會加助語詞,但多數時間都係有商有量嘅。」

自嘲唔係斯文人

講到出爐港姐馮盈盈被爆曾講粗口,Ada力撐師妹謂:「作為人都會講吓粗口嘅,但要睇咩時間。(鬧老公張晉嗰陣?)唔敢!有時揸車畀人Cut線,會激動加啲助語詞,不過有時個女聽到會學,所以都唔係咁好。(所以兩公婆講嘢要好有禮貌?)唔會加啲無謂字囉!最多係死婆呢啲,唔緊要佢哋(女兒)阿媽都唔係斯文人。」

讚阿女身手好

Ada近四個月都在大陸拍劇,照顧兩位女兒的任務就交由老公張晉負責,她表示女兒最近轉讀國際學校,向來以輕鬆方法教女的她,笑言要變身「怪獸家長」,並花更多時間督促女兒:「依家會安排個女學溜冰、游水同鋼琴,其實最緊要佢哋身體好,成長得開心。」她又指兩名女兒遺傳了張晉的運動天分,身手非常靈活:「有次大女玩平衡木,好有自信,好快學到,呢方面都幾似爸爸,佢哋又打到側手翻,我就唔得喇!(驚個女太粗魯?)冇問題,阿媽都唔見得溫柔,唔受傷就OK!」

保守唔拍親熱戲

Ada又指新戲中最遺憾是沒有機會拍拎槍戲份,記者反問為何最遺憾不是跟三大型男沒有親熱機會,Ada即笑說:「哈哈!今次冇愛情線係有啲可惜,希望下次同佢哋拍拖拍親熱戲真係冇問題...其實唔係老公畀唔畀,係我自己都保守。」

化妝:Emma Lee

髮型:Barry Tran@Hair Corner

場地:sav Hotel


來源 source: http://hk.on.cc
鍾意就快D Share啦!
Related Posts Plugin for WordPress, Blogger...