2016年9月21日 星期三

英超Fever:英超 加利佬爆莫連奴「畀鬼壓」! __,

曼聯爆「洩密風暴」,紅魔名宿加利尼維利喺社交網Twitter爆料,聲稱有「反骨仔」向傳媒放料,令球隊內部事務外洩,無非想小事化大,製造混亂,發洩不滿情緒。到底邊個係「人」,邊個係「鬼」,即掀起網民熱烈討論。其中馬高斯盧祖、迪比、舒尼達連等尹戈爾簽入嘅前朝餘孽,最有嫌疑。莫連奴想帶領曼聯重振雄風,必須先展開「捉鬼行動」。加利尼維利眼見母會曼聯成績急插水,忍唔住出聲,但並非如一般輿論指責莫連奴,而係將 ...




其他影片:>>






曼聯爆「洩密風暴」,紅魔名宿加利尼維利喺社交網Twitter爆料,聲稱有「反骨仔」向傳媒放料,令球隊內部事務外洩,無非想小事化大,製造混亂,發洩不滿情緒。到底邊個係「人」,邊個係「鬼」,即掀起網民熱烈討論。其中馬高斯盧祖、迪比、舒尼達連等尹戈爾簽入嘅前朝餘孽,最有嫌疑。莫連奴想帶領曼聯重振雄風,必須先展開「捉鬼行動」。

加利尼維利眼見母會曼聯成績急插水,忍唔住出聲,但並非如一般輿論指責莫連奴,而係將矛頭指向球員。「加利佬」喺Twitter分享一段有關「寸王」喺更衣室批評球員嘅報道,並發文話:「曼聯一失利,就有人將問題外洩出去外,令人尷尬。」事實上,曼市打吡後,立即有傳媒指曼聯球員曾於半場休息時發生爭吵,難免令人懷疑有內鬼。

加上「加利佬」開腔,引來大批網民留言,猜測邊個係「無間道」,最多人認為係莫連奴執教後,被投閒置散嘅球員,「黑名單」呼之欲出,包括馬高斯盧祖、迪比、舒尼達連、舒韋恩史迪加等尹戈爾簽入嘅球員。「寸王」亦私下向朋友透露,尹戈爾戰術「荼毒」球員,未夠時間執番正,進一步突顯兩派存在矛盾。如果「寸王」無辦法擺平呢班內鬼,肯定冇好日子過。

值得留意,莫連奴正式成為曼聯主帥已近4個月,但仲未喺曼市安居,仍然住緊酒店,家人更加仲留喺倫敦。反觀,同市死敵曼城新帥哥迪奧拿,一早已舉家搬到曼市豪宅定居,莫非連佢自己都冇信心做得長?另外,日前被莫連奴鬧爆防守業餘嘅勞基梳爾鼠蹊受傷,周六英超難鬥李斯特城,到底係真傷,定係被雪,就不得而知,但「寸王」小心身邊又會多1隻內鬼。

SO東波同你追實體壇每個精彩時刻! 

http://on.fb.me/1PWMCFH 


來源 source: http://hk.on.cc
鍾意就快D Share啦!