莊思敏話佢畀裝修師傅用下三流嘅手段恐嚇，搞到勁嬲豬。
藝人莊思敏（Jacquelin）今日喺社交網站上載咗張天花板嚴重倒塌嘅相，怒氣沖沖留言話：「之前漏水叫你（裝修師傅）上來（嚟）整又唔覆，而（依）家倒塌咗，點計先。咁嘅裝修工程點算完工呀？仲用d（啲）下三流手段恐嚇我。」唔知Jacquelin影嘅係咪自己屋企呢？Touch Wood如果有人喺下面，真係可大可少，隨時冇命！唔少網民都嬲爆話「離晒譜！」、「太誇張了！」，有啲就笑言問邊位裝修師傅，以後唔幫襯咁話！
思敏接受《東網》訪問時表示現時家中漏水情況嚴重，令她生活相當不方便：「之前裝修師傅應該係偷工減料，令我屋企好多位滲水，相信係因為嚴重漏水，令個假天花負荷唔到冧咗落嚟，好彩當時冇人喺下面，否則就會壓親！我哋一直有聯絡個裝修師傅同工程公司，但個負責人死都唔聽電話，又唔覆Email，呢件事都糾纏咗兩個星期，反而佢仲搵人嚟恐嚇我哋，叫我哋即刻找番條尾數，如果唔係就小心出入，但我哋話要完成工程先，佢竟然堅持話唔會整，錢就要照畀，好惡！（尾數仲爭幾多？）呢個唔方便透露。（會唔會報警？）交畀律師處理。」
來源 source: http://hk.on.cc
|
鍾意就快D Share啦！
|
|
|
