網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年9月16日 星期日

【狗仔出更】打風旺角買花面燶燶 陳展鵬煞有介事:因住啲篷冧落嚟 __,展鵬,陳展,陳展鵬,

41歲陳展鵬日前宣佈迎娶28歲女友單文柔,上年《蘋果》率先發現佢哋兩人上山頂食宵夜,感情發展一日千里,準新郎陳展鵬話婚禮計劃喺下個月舉行,不過佢唔會大 ...


41歲陳展鵬日前宣佈迎娶28歲女友單文柔,上年《蘋果》率先發現佢哋兩人上山頂食宵夜,感情發展一日千里,準新郎陳展鵬話婚禮計劃喺下個月舉行,不過佢唔會大排筵席廣宴親友,只係屋企人同親友食個飯。」(新聞連結: https://bit.ly/2Qxp9l9 )



超強颱風山竹逼近香港,噚日下晝3點改發三號強風信號,之後預告午夜前後改發8號烈風或暴風信號,查實因為呢個颱風來勢洶洶,唔少市民晨早做好準備,除咗去搶購貼窗膠紙之外,仲去超市、街市掃貨,陳展鵬喺改發三號風球嘅前夕,同未婚妻單文柔喺銅鑼灣揸車去咗旺角,不過佢哋唔係去搶購膠紙或者去超市掃貨,而係去咗花墟買花!



噚日大約下午兩點左右,陳展鵬喺銅鑼灣耀華街揸車去咗旺角花墟,最初陳展鵬坐喺車上面,而戴住一幅金色太陽眼鏡、着住一條黑色連身裙兼踢拖嘅單文柔就自己落車入咗一間花舖,最初問到佢婚禮嘅籌備情況,單文柔都笑笑口話:「籌備得七七八八喇,我諗住買花返屋企擺。」



單文柔同職員有傾有講,想揀啲花可以擺得耐啲,最後睇中百合同二包白蘭花,呢個時候陳展鵬落車行入舖頭,主動問完記者嘅身份之後,煞有介事咁關心記者:「打風喎,小心呀,十號風球喎,天雨路滑喎,因住啲篷冧落嚟!」



之後陳展鵬又若無其事咁同啲職員打招呼,行入舖頭揀花,嗰陣陳展鵬刻意背住迴避鏡頭,叉晒腰咁左望右望,單文柔就問未婚夫買乜花好,突然間聽到單文柔話:「唔好偷影喇,過嚟影喇!」陳展鵬接住話:「乜你哋學埋啲衰嘢,鍾意偷影,過嚟一齊影呀嘛!」原來佢哋係發現有主婦買花,順手一齊影下準新人。最後陳展鵬同單文柔擾釀一輪,買咗一束價值$130嘅花就離開。



喺佢哋準備俾錢嘅時候,陳展鵬又發現有途人影相,於是佢又再大大聲話:「你要影咪過嚟影,唔使偷影喇!」單文柔當然附和,臨走嗰陣陳展鵬面燶燶咁行上車,不過佢有幫單文柔開車門,臨上車前女嘅句拜拜,男嘅就強顏笑一笑,就開車走人,原來講到底,係唔鍾意俾人影佢去花墟買花。



精選娛聞,喺晒《娛果》

http://fb.com/appledailyent





單文柔同陳展鵬去到花墟,最初初係一個人落車揀花。 單文柔同陳展鵬去到花墟,最初初係一個人落車揀花。
睇完又問咗舖頭職員。

睇完又問咗舖頭職員。
 最後係有心水㗎。

最後係有心水㗎。
 點知呢個時候陳展鵬落車。

點知呢個時候陳展鵬落車。
 入埋舖頭一齊揀,但就叉晒腰。

入埋舖頭一齊揀,但就叉晒腰。
 又叫途人唔好偷影啦,可以行過去影。

又叫途人唔好偷影啦,可以行過去影。
 佢又煞有介事咁講:「打風喎,小心呀,十號風球喎,天雨路滑喎,因住啲蓬冧落嚟!」

佢又煞有介事咁講:「打風喎,小心呀,十號風球喎,天雨路滑喎,因住啲蓬冧落嚟!」
 最後開車走先有番啲笑容。

最後開車走先有番啲笑容。

鍾意就快D Share啦!


Related Posts Plugin for WordPress, Blogger...