2020年1月21日 星期二

【爆相爆片】陳偉琪破「禁酒令」 灣仔街頭激咀外籍西裝男 __,爆相爆片,陳偉琪,

36E大台咪神「細龍太」陳偉琪去年10月酒後犯錯,涉酒後駕駛與的士相撞,被控以一項酒後駕駛罪,事後陳偉琪表示:「一定擔心,不過都交畀律師處理,自己之前 ...






36E大台咪神「細龍太」陳偉琪去年10月酒後犯錯,涉酒後駕駛與的士相撞,被控以一項酒後駕駛罪,事後陳偉琪表示:「一定擔心,不過都交畀律師處理,自己之前喺屋企都有反思,自己都有改進,呢段時間都有戒酒。」案件押後至2月5日繼續聆訊,但陳偉琪先為自己頒下「禁酒令」,不過言猶在耳,日前《蘋果》就收到讀者鄧先生「爆相爆片」,見到陳偉琪似乎已經破禁酒令,還在灣仔激咀外籍西裝男。

《蘋果》收到鄧先生「爆相爆片」,指日前目擊着性感低胸短裙戰鬥格的陳偉琪,在灣仔駱克道一間酒吧的露天座位,向一名外籍西裝男放電,兩人更忘形地在街頭激咀,鄧先生說:「我同朋友飲完嘢,走嗰陣見到佢同外籍男人坐咗喺酒吧門口啲高枱,初初我都唔知佢係邊個,朋友話係《愛.回家》嗰個細龍太,之後仲見到佢哋又攬又錫!」

從相片中見到,高枱上有啤酒,陳偉琪的「禁酒令」似乎已經失效,而帶有醉意的她與外籍男四目交投,視線完全沒有離開過對方,她更主動出擊將外籍男逼到牆邊,再慢慢靠近對方,有靚女投懷送抱,西裝男將目光投注在陳偉琪心口兩團白肉上,兩人拖住手互錫,毫不介意他人目光。

之不過,陳偉琪本身已有一拍拖3年的健身教練兼老闆男友Billy Tam,兩人多次在公開場合被影到拍拖行街街,而身為咪神的陳偉琪裙下之臣又豈得一位,不時被影到與其他異性約會,今次她與外籍西裝男在街頭激咀,親密程度比以往更激,未知又會否影響跟Billy的關係呢?

(讀者提供圖片)


細龍太有醉意!(讀者提供圖片)


跟外籍西裝男含情脈脈!(讀者提供圖片)


細龍太與外籍男情到濃時,懶理其他人的目光激嘴!(讀者提供圖片)


細龍太跟Billy拍拖3年。(資料圖片)


(IG圖片)


去年她自爆有人送花!(IG圖片)


陳偉琪日前又晒99支玫瑰花,感情生活相當豐富。(IG圖片)



鍾意就快D Share啦!
Related Posts Plugin for WordPress, Blogger...