放租都係一個好辦法。
藝人馮盈盈上年年尾突然宣布同拍拖四年嘅醫生男友分手，佢哋已經去到買樓兼同居試婚嘅地步，可惜最後都唔可以一齊走落去，真係令人可惜！之前接受訪問時盈盈指同居單位首期佢有份畀，但業主名一欄卻沒有份，男友負責供樓，佢負責水電煤同日常生活開支，依家各自搬返屋企，會諗辦法處理呢個同居單位。呢日原來佢哋已經搵到解決辦法，就係放租！
喺一個租樓網頁發現盈盈同男友嘅同居單位放緊租，565呎2房2廳連500呎天台叫價月租33,000港元，睇番網頁提供嘅單位相片，盈盈同男友都應該搬得好急，廚房位啲砂煲罌罉冇攞走，而喺廳到仲擺放咗幾個粉紅色心心氣球，唔知係咪怕再見到呢啲當年拍拖嘅甜蜜嘢會觸景傷情，所以專登唔攞走呢？近半年啲樓價有創新低嘅趨勢，現時價位回落到上年三月時嘅水位，所以暫時放租睇定啲都係一個好好嘅辦法。
來源 source: http://hk.on.cc
|
鍾意就快D Share啦！
|
|
|
