傅嘉莉一去到北角半山雲景道的富豪閣，已經有相熟經紀等候，雖然經紀沿途不斷解釋，不過傅嘉莉手上依然揸住一份樓宇介紹，睇嚟返到屋企都有排「刨」。
真面目
買磚頭 離奇富貴掃千萬樓 傅嘉莉：想獎勵自己！
轉型拍劇的傅嘉莉，自拍《衝上雲霄 II》之後工作量大增，加上賣樓賺錢有往績，難免有衝勁再入市。
儲夠彈藥，傅嘉莉睇準再入市，今個月中，本刊撞破傅嘉莉約埋相熟經紀四出睇樓，一連睇咗北角半山雲景道 2單位，單位最低消費由 1,000萬起，傅嘉莉豪氣話：「啱心水嘅會買嚟一個自住、一個出租！」 29歲女就有本事孭 2,000萬樓，姊妹學嘢喇！
貴升呢小富婆，不過私底下，傅嘉莉甚少買名牌，靠曬贊助勁慳家，而且一向鍾情投資磚頭，平時仲有緊貼留意樓市動向。 06年入行以來，已先後購入 3個物業，而且次次有錢賺，其中在 10年，以 455萬買入太古城鄱陽閣單位， 12年以 680萬賣出，勁賺 225萬。
目標一 北角富豪閣 市值約 1,000萬
連睇 2單位後，傅嘉莉拉埋經紀停低密密斟，似乎仲有好多疑問。
睇中北角半山
早前本刊便發現傅嘉莉，約埋相熟經紀和女友人到北角半山雲景道，連睇富豪閣和萬德閣兩個單位，現時呎價起碼一萬起跳， 800呎單位已經叫價千萬，不過傅嘉莉睇完個樣好似好滿意。
雖然傳嘉莉買樓有往績支持，又出名慳家，曾自言只限日使 100蚊，但即使加上《衝 ll》咖啡妹一角成功入屋，出騷做代言搵到錢，不過今時今日要孭 2千萬樓債， 3辣招下能力難免存疑！
「平時都好慳！」
上週五（ 28日）本刊致電傅嘉莉，問她是否準備入市，她大方承認，又稱自己吸金能力強冇問題：「嗰日睇咗 2個單位，兩個都係大單位嚟㗎，其實自己一路來都鍾意投資買樓，平時仲會睇啲財經新聞，留意樓市同外幣走勢，加上之前賣咗太古城個單位，𠵱家賺多咗錢，都想再入手獎勵嚇自己（搵錢多咗？）全靠《衝 II》帶挈，試過一個月日日都有 event出，同埋多咗廣告代言，比以前多咗 30%收入（連睇兩個單位喎！）自己平時都好慳，已經儲得七七八八，一路都睇緊唔同樓盤，自己偏好港島多啲，揀啱心水會買嚟一個自住、一個出租！」香港地，都係揸磚頭保值啲！
月袋 120萬
自《衝上雲霄 II》出街後， Kelly成為活動嘉賓嘅常客，高峰期試過日日都有活動，以每個騷價 4萬計算，一個月已經輕鬆穩袋 120萬，加上廣告、代言等收入，千萬單位，借得起！
Kelly入行 8年，拍過不少廣告，最近拍住杜如風幫護膚品牌子 Bioderma拍攝新一輯廣告，輕輕鬆鬆收取 20萬酬勞。
|
鍾意就快D Share啦！
|
|
|
