Beauty Hunt
馬到功成 陳瀅
有人百般努力恨入行，有人行行嚇街都「撞正」被發掘，好似在加拿大長大嘅陳瀅（ Jeannie），正是在大學期間嚟香港交流時，喺街被星探「相中」入行。
24歲 Jeannie拍過不少廣告，同李治廷合作拍隱形眼鏡廣告令人印象深刻，廣告出街後，曝光率多咗，帶挈殺入影壇，拍過《寒戰》、《在一起》、《迷離夜》等電影、在剛上畫的《盜馬記》中亦有份演出，早前再拍埋無綫劇集《女人俱樂部》，飾演陳慧珊少女版，唔使入戲院都睇到佢。
Jeannie自小在加拿大長大，大學期間來香港參加交流生計劃被模特兒公司星探相中入行，代表作係同李治廷合作拍隱形眼鏡廣告，「我同李治廷係冇任何對話，每次都係我同佢 say hi，佢就點頭回應，自己都未試過對住同一個男仔講超過 10次 hi，諗起都覺得好好笑。」
廣告出街曝光多咗， Jeannie有機會拍電影《寒戰》，自言諗起仍覺自己幼嫩：「第一次拍戲，完全唔知發生咩事， roll機嗰陣，連氣都唔敢唞，企定定，眼都唔眨，最後搞到要導演出聲叫我放鬆啲。加上事前又冇任何準備工夫，對住鏡頭，自己都好驚，拍完效果真係麻麻！」
第一次畀咗黃宗澤
工作愈多， Jeannie愈明白有需要改善演技，否則好易被淘汰，「拍《在一起》時，我做 Bosco其中一個女朋友，有一幕佢要一巴打落我度，我由細到大都冇俾人打過，寶貴嘅第一次就咁畀咗佢，而且部戲由頭到尾都要喊，自己靠曬眼藥水，其他人喊就唔使眼藥水，表情又好過我。所以我暑假去咗北京電影學院上培訓班，學點用聲音去演戲，點去分晰同準備劇本。」進修完演技， Jeannie再接拍了《迷離夜》和剛上畫的《盜馬記》，早前仲撈埋劇集《女人俱樂部》，飾演陳慧珊少女版，她笑說：「我哋少女組有 7位成員，開工到收工都係圍埋一堆，咩都傾足一餐，搞到導演同化妝都嫌我哋太嘈。」可以連環接戲又拍埋戲入屋， Jeannie便說：「我𠵱家所有生活費都係自己賺，我好鍾意拍戲，只想拍多啲戲！」
陳瀅 Jeannie Profile
年齡： 22歲
身高： 168cm
Instagram： MISSJINI（粉絲人數 15000人）
微博： Jeannie陳瀅（粉絲人數 58041人）
|
鍾意就快D Share啦！
|
|
|
