[FACE 358] 女神眼淚 科大講 talk挖抑鬱史 鍾嘉欣：晚晚返屋企喊 鍾嘉欣,MF,

擴胸紓壓

鍾嘉欣表示自己大壓力時，會瞇埋眼張開手再擴胸，然後大叫：「我得嘅！」咁就可以紓緩壓力兼增加自信？

真面目

女神眼淚　科大講 talk挖抑鬱史　鍾嘉欣：晚晚返屋企喊

鍾嘉欣貴為無綫當家花旦兼高登神級 BB，上週三（ 26日）忽然空降科技大學講 talk，成班科大仔晨早霸定位等睇嘉欣 BB風采。

大學生支持，嘉欣 BB亦冇 hea，為咗鼓勵學生唔好輕易放棄，曾患上抑鬱症的鍾嘉欣，仲不惜自挖入行時因壓力太大而晚晚爆喊。嘉欣 BB用心良苦，可惜班 U仔竟然話：「唔記得佢講乜喇，佢太靚掛住望住佢！」嘥氣！

曾承認患過抑鬱症的鍾嘉欣，剛拍完新劇《大藥坊》，趁空檔便應科技大學理學院邀請，上週三（ 26日）到科大出席一名為「鍾嘉欣演藝漫談」的講座，過百科大學生亦聞風而至，未開場已坐滿人。

當騷做

嘉欣做慣登台騷，講完 talk都慣咗手勢同班學生握手，實行當騷咁做。

隔玻璃𥄫

講座當日 16:15開始，未夠 4點就坐滿人，大批 U仔隔住玻璃都要睇嘉欣 BB，堅係有市場。

壓力大

04年選完華姐奪冠後，便極速被派到《皆大歡喜》中飾演「洪白嵐」一角，亦令她壓力倍增。

表現好

在《點》劇中，鍾嘉欣自言是表現最好，劇中很多場面都係佢自己設計。

拍陳豪最開心

去年播出的《度身訂造旅行團》，鍾嘉欣一見父母出現就忍不住爆喊。

講座期間，嘉欣 BB同大學生分享入行經歷，透露拍《點解阿 Sir係阿 Sir》時最開心，因為可以「同陳豪一齊度對白，覺得自己表現最好！」；她更為鼓勵學生唔好輕言放棄，不惜再自爆入行時已頂唔順壓力而晚晚爆喊，「選完華姐拍《皆大歡喜》，乜都唔識好大壓力，又唔敢同人講，更加唔敢同身邊人傾，所以嗰陣一返到屋企就喊。」

嘉欣 BB冇 hea講，成個 talk更講足一個鐘，講完又同班學生合照兼握手，交足功課，可惜班大學生卻似乎當耳邊風，記者問佢哋覺得嘉欣 BB講 talk邊部分最有用，班 U仔竟然話：「唔記得喇，佢太靚掛住望佢！」激死！

多搵電影人

大學搞 talk最忌冇人聽，既然大專生愛睇明星，所以好多學會都會請明星講 talk，不過搵電視台花旦，鍾嘉欣可說罕有；反而電影人講 talk例子就好多，除早前《金雞 sss》吳君如到港大外（如圖），之前連梁朝偉、陳可辛和《狂舞派》導演黃修平等都試過去大學講 talk，場場例必爆滿。

鍾意就快D Share啦！

下一篇 》