掃呢頁CODE去手機

2014年4月2日 星期三

[FACE 358] 堅嬲真相 踩標尾會•笑腳趾似鳳爪 臭口澤唱祖兒:「揀件垃圾!」 祖兒,容祖兒,MF,




第二晚的演唱會,阿澤知衰辭演,祖兒則在事後接受訪問,被問及會否接否阿澤道歉,態度繼續強硬:「觀察一陣先,因為唔止我一個受害者,我自問唔係一個衝動嘅人。」

封面

堅嬲真相 踩標尾會•笑腳趾似鳳爪 臭口澤唱祖兒:「揀件垃圾!」

週日( 30日),容祖兒突然在各大社交網絡發火,指名道姓話杜汶澤是娛樂圈唯一一個討厭的人。出道十五年、出曬名面面俱圓易話為,因乜解究連容祖兒都會鬧人?

咪以為天後小氣,講句笑話都認真嬲!冰封三尺非一日之寒,據悉杜汶澤近年事業回勇後就故態復萌,口沒遮攔得罪英皇上下,祖兒一早睇唔過眼,兩年前仲被恥笑票房毒藥、又話腳趾似鳳爪,再踩埋男友劉浩龍係「垃圾」,才是真正挑戰祖兒條底線,難怪今次佛都有火!

週六(29日),杜汶澤任中學同學伍樂城演唱會嘉賓時爆肚搞 gag,結果全場大笑,惟獨後台的容祖兒嬲到推翻花籃。

惹事原話:「今晚我揀咗容祖兒首歌唱,早兩年問佢老細楊生,氹佢攞錢拍《 Diva》,我同佢講部戲一定捧祖兒做影後,結果佢做唔到影後,但我攞咗影帝,佢啱啱喺後台先發覺我搵咗佢笨,所以我送呢首歌畀佢,希望佢永遠唔會遇到我呢類衰人!」

一連兩場《伍樂城幻想國度作品展》上週六( 29日)在紅館舉行,群星拱照的畀面派對,第二日卻搞到滿城風雨。嘉賓之一的容祖兒突然節錄報紙新聞,附上百多字感言,指名道姓批評同晚另一位嘉賓杜汶澤。內容雖然是前一晚杜汶澤在舞台上有關《 DIVA》的一番爆肚言論,據悉,實際激怒祖兒的唔止咁簡單。

翌日中午,祖兒點名批評杜汶澤踩低人去抬高自己又傷害人為樂,更話明「你就是我在娛樂圈中唯一一個討厭的人!」

一小時後阿澤亦在面書道歉,據悉事發兩日,杜汶澤不斷致電補飛,祖兒、 Mani都不肯接聽。

屈祖兒恨做影後

據知,演唱會當晚共有四個化妝室提供給歌手,英皇眾星有最大的一間,不過容祖兒和杜汶澤在後台準備時,已經刻意避開對方;而祖兒的助手,亦預先打聽對方上台對白,結果杜汶澤的上台對白,與原先大有出入。

知情人士說︰「阿澤上台前話唔會提祖兒,只係講嚇同伍樂城學生時代趣事就算,點知上到台完全唔係嗰回事,祖兒喺後台聽到即刻火都起,仲推跌後台個花籃。佢仲夠膽提《 DIVA》?祖兒唔鍾意佢,就係由《 DIVA》開始,拍戲懶係熟咁影 Joey嘅腳趾,仲周圍傳畀人睇,笑人腳趾生得似鳳爪。又周圍話祖兒恨做影後所以開《 DIVA》,其實好多人都知《前度》同《 DIVA》係阿澤低潮時(拍《低俗》前)求 Mani開畀佢,女主角阿嬌同祖兒都係幫 Mani捱義氣。阿澤𠵱家調轉嚟講,仲笑祖兒想做影後,點會唔嬲?」

一宗罪

杜汶澤背後譏笑祖兒「標尾會揀件垃圾」,最讓祖兒氣憤。其實「祖師戀」初期的確不被外界睇好,但劉浩龍用十足誠意證明自己不用靠女友上位,連容媽媽亦對他讚口不絕。阿澤此垃圾論,要同劉浩龍道歉先啱喎。網上圖片

二宗罪

拍攝《 DIVA》期間,杜汶澤偷拍祖兒腳趾相,周圍傳閱恥笑,並形容為鳳爪。

三宗罪

譏笑開拍《 DIVA》捧祖兒做影後不成,反而自己做咗影帝,其實 12年是杜汶澤苦求 Mani開戲,邊個捧邊個?好明顯

《低俗》前後兩個樣

「尊稱」杜汶澤做「民主英雄」,其實祖兒此舉不止為自己吐一口怨氣,亦得到英皇上下支持。

踩自己尚且可以畀面經理人 Mani一笑置之,去年初祖兒與劉浩龍公布戀情,阿澤又諸多見解,真正點正祖兒死穴。的確,祖兒和師兄相戀,當初亦不被眾人睇好,但師兄實在對祖兒細心又照顧,連容媽媽亦十分接受這個「未來女婿」,可見師兄真正入屋。

「阿澤周圍同人講劉浩龍係垃圾,祖兒係因為趕住標尾會,至連呢件垃圾都肯要,傳傳嚇就傳去祖兒度。其實祖兒演唱會嗰晚已經想打定篇文發火,不過等到第二日中午至 post上網,係因為要畀其他人過目囉!」

知情者說,自從 12年的《低俗喜劇》大收,去年個人棟篤笑《哢啦騷》又場場爆滿,杜汶澤意氣風發,自恃得寵去到邊都提住老闆楊受成,又完全唔畀面經理人 Mani,曾經在飯局中當住眾人面講笑話︰「佢做我經理人?我教番佢做嘢至真!」

去年初杜汶澤舉行四場《哢啦騷》,有口皆碑票房收入亦不俗,有人因此自以為是,故態復萌回復臭口本色。

早年與杜汶澤關係不錯的容祖兒,近年與師兄及友人的私人聚會上已再不見對方身影。網上圖片

田蕊妮︰你問番佢

學祖兒話齋「江山易改、本性難移」,杜汶澤多年來得罪人多稱呼人少的事跡確實多籮籮。當年從亞視小藝員成功泊得林建嶽的大碼頭,因《無間道》傻強一角彈起,再同劉華、秋生、黎明做好兄弟,結果卻因為一朝得志語無倫次得罪大半個娛樂圈。

原來 07年最低潮時期,有人哭哭啼啼、洗心革面求收留,想不到事業一見起色老毛病又發作,知情人士說︰「 07年杜汶澤好似過街老鼠一樣,成個娛樂圈冇人敢搵佢。係自己打畀 Mani求人畀機會佢,大家出去唱 K佢就坐埋一邊喊,流曬眼淚話唔知點算,唔知點樣面對老婆,又食齋又戒煙,連把口都收埋,乜是非都唔肯講,當初真係信佢變咗另外一個人㗎!」不過始終三歲定八十,觸怒英皇一姐,杜汶澤今次有排煩。雖然極速 po了「道歉啟事」認矮仔,杜汶澤週日亦「龜縮」甩底伍樂城尾場騷,避與祖兒同場。

本週一,本刊致電田蕊妮,問她阿澤又惹麻煩,她說︰「唔回應喇,唔回應喇,你問番佢」上次阿澤同黃秋生罵戰,阿田都開口撐,今次似乎撐唔住喎。

07年得罪大半個娛樂圈後,杜汶澤一度洗心革面信佛茹素生活簡樸,每年更與太太田蕊妮飛往印度、尼泊爾等地參加佛學大會。

祖兒本來礙於經理人 Mani面子對杜汶澤採取忍字訣,不過近年阿澤復活成功,連 Mani都敢拿來開玩笑。

近年捲土重來的杜汶澤,新朋友圈是黃柏高、薛凱琪等人。

08年杜汶澤絕處逢生簽約英皇,據悉是他多次當眾流下男兒淚才打動 Mani。圖片

口出狂言

02年杜汶澤憑《無間道》衝出亞洲(電視)變影圈紅人,一度打進影帝影後朋友圈威風八面,不過一套《伊莎貝拉》揚威即時得罪全世界,一朝得志早有前科。

路透社圖片

鬧契弟

本來成功埋嶽少、劉華堆,更獲華仔以「朋友價」 13,000借住加多利山豪宅, 05年嶽少、華仔拒絕出資開拍《伊莎貝拉 2》,暗地鬧兩位老闆「正契弟」,即被嶽少掃出東亞、再被華仔趕離加多利山。

《蘋果日報》圖片

咒生仔

杜汶澤由亞視奀星得以入商台、拍電影,都係多得貴人吳君如帶挈,不過阿澤卻在商台得罪俞琤、再鬧恩人吳君如「生仔冇屎忽」,多年後二人雖然和好,君如仍然承認杜汶澤曾經被勝利沖昏頭腦。

《忽然 1周》圖片

打網戰

05年與田蕊妮大婚時,黃秋生是新郎杜汶澤兄弟團,秋生最近卻因為杜汶澤評 CY女一事公開批評昔日兄弟:「你話人冷血,你又有幾熱血?佢喺圈中有幾多朋友?有幾多人曾經包容佢,後來唔再包容佢?」

正八婆

杜汶澤自爆當年與鄭中基飲醉酒,阿 Sa致電卻被杜汶澤搶去電話大罵:「八婆!你唔好再打電話嚟鄭中基今晚唔返屋企喇!」 08年杜汶澤簽約英皇, Sa更不滿反問 Mani:「點解要簽呢啲人!」

唱埋霆鋒

踩低一姐容祖兒,原來杜汶澤連一哥謝霆鋒都得罪埋。今年初,浙江衞視為霆鋒度身訂做真人廚藝騷《十二道鋒味》,每集走訪一個國家、炮製一道私房美食、親自邀約一位巨星好友。據悉霆鋒本來有意邀請吳君如做嘉賓,又被杜汶澤從中離間:「佢(謝)收浙江衞視咁多錢,但係畀嘉賓就得封利是仔,唔好去」結果成功動搖君如、亦輾轉傳到霆鋒耳中。不過咁,背後踩完,週日杜汶澤在 facebook公開讚霆鋒,呢啲咪講一套做一套囉。

一樣被杜汶澤得罪的霆鋒、祖兒在伍樂城後台喜相逢,祖兒還預告將隨霆鋒《十二道鋒味》節目飛去瑞士。網上圖片

霆鋒為節目到訪法國、意大利、澳洲等世界各地,更請來趙薇、範冰冰等一線女星親自試菜。網上圖片

網上圖片



鍾意就快D Share啦!