[FACE 358] 阿嬌 ex帶隊 BIGBANG勝利澳門攬 Club女 阿嬌,BIGBANG,鍾欣潼,MF,

BIGBANG各成員一向唔會隨便同人合照，不過呢晚勝利喺澳門嘅 Club Cubic遇上呢位衣著性感，個樣有少少似狂整容 Cammi嘅紋身 Club女，即表現大方，攬實對方望鏡頭不特止，仲嘟埋嘴，相當抵死。

FBI

阿嬌 ex帶隊　 BIGBANG勝利澳門攬 Club女

呢排韓風真係吹唔停，繼前一個禮拜有 2NE1、 IU同 Crayon Pop排隊訪港，上星期又有 BIGBANG嘅勝利來港出席「香港亞洲流行音樂節」。

當晚勝利喺演唱中途問台下觀眾：「大家見到我開不開心？我好開心見到大家……」未講完， BIGBANG飲歌〈 Fantastic Baby〉嘅音樂已經響起，勝利馬上叫停，之後唔 like講嘢被 cut，「 come on， what's wrong？我來自南韓， 4小時（機程），你知道嗎？」

網上圖片

Club女喺 wechat度竟然話見到勝利都唔夠喉，話想見 G-Dragon。佢自爆當晚坐勝利枱，勝利仲畀酒佢飲。

BIGBANG雖然喺 06年正式出道，但勝利其實今年先得 23歲，所以仍然處於爛玩期。呢晚喺「香港亞洲流行音樂節」表演完，喺後台做埋訪問後，勝利即刻過澳門夜蒲，真係精力過人。

騷後唔少粉絲都有追蹤勝利，但神出鬼沒嘅 BIGBANG成員又點會咁易被跟到? FBI八到勝利當晚騷後原來相約咗老死，即鍾欣潼前男友權寧一（ K先生）去位於澳門新濠天地嘅 Club Cubic夜蒲，其間更攬實一位紋身 Club女影親密相。事後呢名 Club女將同勝利合照 po上社交網站，仲話自己當晚坐喺勝利張枱，而勝利等人有請佢飲酒。 FBI仲向喺 Cubic嘅目擊者八過，話當晚勝利玩咗無耐就走人，同呢位 Club女應該無下聞嘅。

完騷後，勝利（戴帽者）被 fans影到喺港澳碼頭出現，準備過澳門夜蒲。

網上圖片

K先生同勝利一向老友，上週五勝利飛到香港時， K先生就親自接機，夜晚開騷， K先生亦喺台下欣賞老友表演。

出身自韓國富豪家庭嘅權寧一（ K先生）同 BIGBANG隊長 G-Dragon亦相當老友，甚至因為 GD中文名係權志龍，有人就懷疑二人其實係親戚關係。 GD上年訪港， K先生亦寸步不離，陪住 GD四圍去。

Club女狂騷事業線

紋身 Club女大曬同勝利嘅親密合照咁大膽，當然即刻觸動 BIGBANG嘅 VIP（ BIGBANG對 fans的稱呼）神經，對佢作人肉大起底。

呢位網名叫 Vkiss嘅 Club女原來係澳門人， FBI就喺社交網站發現佢多張性感相，而且仲有跟同性嘅嘴相。不過由於佢同勝利嘅合照被 BIGBANG fans發現，所以 Vkiss已經重新調高佢喺各社交網站嘅私隱度，亦已剷走同勝利嘅合照。

Vkiss上載咗唔少性感相到社交網站，仲留言挑逗網友：「一層一層一層的剝開我的...。」

Club女 Vkiss大曬同勝利合照後，即引起 fans圍攻，對佢大肆批評。

除咗性感相， Vkiss亦有曬同同性嘅親密相。

鍾意就快D Share啦！

下一篇 》