[FACE 382 大專校園] 香港睇唔透 女神轉攻台灣大學 BKD_S,MF,

霍嘉恩（ Grace）國立台中教育大學幼兒教育學系 Yr.4

Grace去到台灣都有做兼職模特兒，身高 162cm嘅佢話：「台灣地方大，景又多又靚，攝影師就鍾意影得日系可愛啲，同香港有啲唔同！」

U花 U草

香港睇唔透　女神轉攻台灣大學

香港厚多士，大嘅搞佔中，讀緊書嘅要搞罷課，又有人搞舉報熱線反擊，前景？真係睇唔透！

其他影片：>>台灣讀大學　 M到可請假

Grace愛打籃球，更愛睇《 Slam Dunk》，連影相都自備一件湘北高中嘅三井壽戰衣上陣。

一向視台灣係後樂園嘅霍嘉恩（ Grace）， A-Level失手後冇好似其他本地生般讀副學士， Grace索性飛到台灣讀大學，現於國立台中教育大學讀緊幼兒教育 Yr.4，佢鍾情台灣夠多好嘢食，學費又夠平， Grace話識揀一定揀台灣！

「一開始嚟台灣最唔慣係宿舍冇冷氣， 30幾度要開住個窗瞓，瞓吓醒吓，同埋呢邊一定要垃圾分類，試過唔記得分類畀同房鬧！好在我讀國立大學（由政府資助），僑生學位比較少，難入學易畢業，有朋友讀私立大學，好難先合格，要你畀多啲學費重讀，𠵱家我順順利利讀到 Yr.4，但畢業之後都要繼續進修，始終台灣學位認授性一般，可能再讀個碩士課程，之後返香港做兒童心理學家，可以日日對住小朋友，點都開心過做 office」

跟台妹食好嘢

Grace喺台灣生活 4年，平時最鍾意周圍搵食，今次女神推介，畀埋地址你跟住佢去歎好嘢！睇吓呢個靚女介紹邊三間餐廳

台北　天天利美食坊

「每次去到台北西門町，都一定要日日食一碗滷肉飯，有時候加半熟嘅荷包蛋，拌飯食，真係超好味！」

地址：台北市萬華區漢中街 32巷 1號

高雄　安娜瑪莉亞

「去高雄一定首推崗山嘅安娜瑪莉亞，要一個月前訂位，最特別係全手工甜品，每個月限定 4款，出面嘅 cafe一定買唔到，食唔到！」

地址：高雄市崗山區育樂巷 1弄 1號

台中　德爾芙咖啡

「台灣嘅下午茶好便宜，大概 300台幣有交易，呢間嘅特色係巴黎鐵塔英式下午茶，同一般三層架有分別，首推係佢個朱古力蛋糕！」

地址：台中市北區民權路 411-413號

鍾意就快D Share啦！

下一篇 》