網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月17日 星期三

[FACE 382] 踩多腳 重提《少林足球》恩怨 趙雪英怒插星爺:好受氣冇尊嚴 星爺,周星馳,MF,




雖然星爺最近受到圈中人圍插,不過佢都係懶得理,繼續專注新戲《美人魚》嘅海選,睇嚟心情冇受到影響喎!

真面目

踩多腳 重提《少林足球》恩怨 趙雪英怒插星爺:好受氣冇尊嚴

最近網上瘋傳一篇名為《為什麼這麼多人黑周星馳》嘅文章,內容觸動唔少圈中人神經,向太陳嵐最激動,為保老公向華強聲譽,連珠爆發炮轟星爺野蠻兼冇品。

全民「數星星」一浪接一浪,連前寰宇老闆娘趙雪英都數埋一份,事緣 02年出錢投資《少林足球》,電影大收旺場,點知星爺私自賣出遊戲產品版權,事後擺和頭酒話會分番花紅,點知到趙雪英離開寰宇前都未有兌現。趙雪英向本刊形容同星爺合作好受氣又冇尊嚴,所以之後有外國片商提議開拍續集都全部落閘,講到明以後都唔會再合作!

當初注資《少林足球》嘅趙雪英,對於網傳文章《為什麼這麼多人黑周星馳》,都忍唔住力數星爺不是,直指佢係一個忘本兼難相處嘅人,又話唔想再合作。

網上《為什麼這麼多人黑周星馳》萬字文章,明顯都係偏幫星爺,其中一段講到星爺移民外國失敗嘅原因,是因為當時拍了多部向華強公司旗下的電影,暗指向生有背景令他亦受牽連。此文瘋傳後,向太即炮轟反擊,出 post力數星爺冇品、貪錢惡行,而大批圈中人如王晶、杜琪峯、林小明等亦加入戰團。衰嘢愈揭愈多,今次到前寰宇老闆娘趙雪英。

感言回帶

「今日攞呢個「最佳電影」獎,我同我先生都幾感慨,記得有一日周星馳先生同助手嚟搵我哋,叫我哋支持佢哋拍呢部《少林足球》,當時我先生一口答應咗佢,啲人就話我先生係傻嘅,因為嗰時電影市道極度低落,而呢部片有好大風險,𠵱家證明呢部片係成功!喺後面有好多人努力,我最後好開心代表寰宇多謝李力持先生為呢部戲度咗好多好橋,同埋要多謝幕前幕後嘅工作人員,我亦都相信公道自在人心,真理永遠長存嘅!」

'02金像獎

《蘋果日報》圖片

02年,星爺因《少林足球》橫掃「第二十一屆香港電影金像獎」,趙雪英同周星馳齊齊上台領「最佳電影」,趙雪英講得獎感受時愈講愈激動,搞到曾志偉要打斷說話,怕她愈爆愈多。

當時有傳向華強為求周星馳重返旗下,對外落咗封殺令,好彩都搵咗寰宇注資,不過雙方最後都係反面收場。

向華強被網上文章影射,向太即時連番炮轟,力數星爺不是,之後仲不斷有圈內人士加入。

《為什麼這麼多人黑周星馳》提到當年金像獎頒獎禮時,趙雪英喺台上致詞係為咗幫星爺,但實情趙雪英同向太 friend過打 band,趙雪英仲話︰「我落台之後,向太仲問我點解唔叫埋佢一齊上台鬧!」

「賺幾多都唔想再合作!」

上週四( 11日),舊愛莫文蔚出席活動時公開護星爺:「星爺好識照顧人同演員,唔理外界點樣去講佢,佢都唔會理,自己會一直支持星爺。」真唔真㗎?

據知 02年星爺四出敲門籌集資金拍攝《少林足球》,有傳向華強為咗要星爺重返旗下而對外落禁制令,講明任何人都唔可以注資,而星爺最後都搵到寰宇老闆林小明揼水,之後仲憑呢套戲而橫掃金像獎。

趙雪英做咗周星馳救命恩人,點知星爺私自賣出遊戲產品版權,所以經過合作《少林足球》之後,趙雪英亦睇清星爺為人,就連有外國公司提議開拍《少》續集都婉拒,仲話以後都唔會再合作。

上週五( 12日),本刊致電趙雪英,重提當年與星爺恩怨,她說:「其實當年有間外國公司叫我開拍《少》續集,仲話起碼可以賺一億,林生都想合作㗎,不過我就唔肯,賺幾多都唔想再合作呀!因為同佢合作好受氣、好冇尊嚴!金像獎之後,單官司仲打緊,佢約咗我出嚟傾,佢問我點解要喺台上咁話佢,又話賣 game同書會分番花紅畀我哋,想 settle down件事,不過我離開咗寰宇之後,有冇收到錢就唔知」事隔 12年仲咁好火,睇嚟星爺真係抵打喎!

𡃁模氹星爺

雖然最近四方八面圍插星爺,不過佢一於懶理,繼續專注《美人魚》海選工作,仲保持神秘行蹤,整個海選都要求所有參加者保密,話就話本週一決賽就會有 4強結果,不過邊個真正做到女主角,仲係未知之數,畀你估到就唔係周星馳最估唔到係佢週一( 15日)傍晚包到冚現身中環。同班大老細合作就多是非,星爺都係畀班𡃁模氹吓好過

星爺新戲《美人魚》進行海選階段,本地薑寸嘴 Barbie、松岡李那、 Kabby許雅婷同魔鬼胸蔚雨芯都入選 13強, Kabby雖然人仔細細,不過係香港區票后,勝數都幾高㗎!

週日( 14日),《美人魚》喺深圳椰林沙灘進行綵排,雖然現場落住好大雨,不過寸嘴 Barbie同松岡李那仲好開心密密練舞,冇偷懶喎!

《美人魚》決賽主要玩水的動作,至於騷身材就梗係交畀 Barbie。

香港區票后 Kabby係女主角大熱,泳衣最密實,唔使靠身材。



鍾意就快D Share啦!