[FACE 382 外地娛樂] 斷背遊 戴情侶鈪賞月 EXO世勛 Tao池邊調情 EXO,MF,

在酒店內，難得冇 fans貼身跟蹤， Tao同世勛及 Suho走出去泳池旁嘅露天酒吧飲嘢傾偈，期間 Tao只顧同密友世勛雞啄唔斷， Suho明顯係電燈膽。

真面目

斷背遊　戴情侶鈪賞月　 EXO世勛 Tao池邊調情

韓國男子天團 EXO成員，最近除忙住錄影《 Roommate》、《叢林的法則》等綜藝節目，亦要飛到東南亞各地為《 EXO From. Exoplanet#1-The Lost Planet》舉行巡迴演唱，雖然忙到冇朋友，但吊頸都要唞吓氣。

上週日（ 7日）， EXO中國籍成員 Tao（黃子轁）就趁中秋節假期，帶同隊中最友好的密友 Sehun（世勛）及 Suho（俊勉），由首爾經上海轉機到海南島三亞度假，豪住萬元一晚獨立屋。

本刊在三亞直擊 4日 3夜行程， Tao、世勛同 Suho由 2位國產艷女陪同下，在當地遊山玩水賀中秋；而在 fans界中一直被傳有攣情的 Tao同世勛，更帶埋卡地亞情侶手鈪，坐在酒店泳池邊談心。一直坐開一邊的 Suho，慘成電燈膽。

其他影片：>>狂迷辣㷫EXO
>>EXO三亞甜蜜蜜

Tao同世勛於 EXO中一直最友好，兩人去海南島慶祝中秋，都不忘戴住 Cartier同款 Love Bracelet情侶手鈪。

XO的 21歲中國籍成員 Tao，與 20歲的韓籍成員世勛感情特別好， 2人唔只經常於社交網站貼親密合照，甚至有傳 EXO每逢到海外舉行巡唱， Tao與世勛例必安排入住同一間房。上週日（ 7日） 2人更趁中秋假期，帶埋隊友 Suho 3人行一齊由首爾飛到上海，再轉機飛去海南島三亞進行 4日 3夜中秋之旅。

Tao木棍阻 fans跟

上週一（ 8日）凌晨時分， 3人到達海南島三亞機場。由於今次是 Tao、世勛同 Suho的私人旅行，所以全程沒有經理人跟身，加上一班為數約 40人、專跟蹤偶像的 fans，由首爾跟到上海再跟機去三亞，還全程貼到實狂影 EXO，激到擔任領隊的 Tao一直黑面。由於出閘後依然有 7部粉絲車跟到實，最後 Tao要落車，再拾起地上的有釘木棍同粉絲講數，先可以撇甩班黐身粉絲。 3人然後飛車到亞龍灣瑞吉渡假酒店 check-in，而 3人亦揀選私隱度高、每晚約 1萬港元的獨立屋入住。

無 fans一身輕，到埗當日， Tao、世勛同 Suho瞓到下午 4時才出動，當日 Tao還約埋 2名國產艷女租遊艇出海同陽光玩遊戲。而本刊發現 Tao經常黐住世勛，而 2名艷女則負責招呼 Suho。去到夜晚，該 2名國產艷女，更出現於 Tao、世勛及 Suho所入住的獨立屋內，期間更不時通屋走， 5個人共處一屋拍三亞版《 Roommate》咩！

Suho變酋長

皮膚嫩白嘅Suho見光死。一見太陽佢就用長袖恤衫笠頭，成個阿拉伯酋長咁款。

世勛似乎很懷念這次海南之旅，除上載跟 Tao玩水上電單車相，亦上載咗同 Suho喺遊艇影嘅相上 ig。網上圖片

上週二（ 9日）下午， EXO 3子準備由酒店出車去三亞市中心，於酒店入口附近發現 fans躲在草叢偷影，嬲嬲哋嘅 Tao於是聯同酒店職員上前攞起 fans手機，二話不說刪除偷拍相片。

8/9中秋節有女伴游

細心的 Tao，呢日花約 1萬「人仔」 book咗架帆船出海。呢次海南之旅成員除咗有 EXO 3子，仲有 2位內地艷女，呢日準備出海嘅 Tao見到其中 1位艷女 friend到達碼頭，即刻笑笑口準備出海玩。

天若有情

網上圖片

世勛亦把握機會出海揸水上電單車，而 Tao就坐喺後面，攬住世勛一齊玩，之後世勛更上載呢張相上 ig。

攣攣的心？

EXO的 Tao同世勛關係密切，對行星飯（ EXO對 fans稱呼）來說已不是秘密， 2人平時出雙入對搭膊頭、鍚臉珠都係小意思；今年初世勛已經跟 Tao返老家青島過年，呢次中秋節佢 2個一齊去海南島旅行， 2位俊男唔理別人目光，繼續甜蜜。

2014

出發往海南， Tao同世勛喺機場親親密密地一齊 check-in。網上圖片

2013

今年年初時， Tao帶住世勛返故鄉青島，過年兼見家長。網上圖片

2013

MAMA頒獎禮， EXO奪年度最佳專輯， Tao開心到喺台上從後攬實世勛。網上圖片

2011

出道前， Tao同世勛已經特別投契，扮錫錫 selfie，世勛隻手仲有動作。網上圖片

Suho變電燈膽

已離開 EXO的 Kris（吳亦凡，右一） 9月 11日出席了《有一個地方只有我們知道》的電影發布會，是他離開 EXO後，首次出席公開場合。

講到全個行程最 sweet的一刻，應該是上週二（ 9日）下午， 3兄弟眼見玩足一日都發現唔到有粉絲蹤跡，於是放下戒心走去酒店泳池畔的露天吧飲嘢談心。 Tao同世勛當然坐埋一齊，一路揸住手機，一路傾心事，而本刊更發現， Tao的左手及世勛的右手竟戴住卡地亞同款 Love Bracelet情侶手鐲，好鬼寃氣。同行的 Suho就慘變電燈膽一直坐埋另一邊。由於唔想齋坐曝曬，最後索性笠件白恤衫遮頭走人。

其實 Tao與世勛的親密關係，在「行星飯」（ EXO對 fans的稱呼）已不是秘密。今次三亞之旅前，年初 Tao與世勛亦被目擊在青島過年。上週二下午， 3子經過 20分鐘的池畔談心後，便會合 2位艷女，然後一齊揸車到三亞市中心歎東北菜。

4日 3夜三亞之旅於上週三（ 10日）完結，當日下午 1時 3子便坐酒店車到機場，然後直駛入貴賓樓，避開所有在三亞機場等候的 fans。

8/9下午 Suho煲粥

臨出海前， Suho獨自走到獨立屋花園，自己一個人匿埋煲電話粥。咁又係，全程做電燈膽，唔悶就假。

煲電視

2名艷女唔只陪玩，更同 Tao、世勛及 Suho住埋酒店內嘅獨立屋，其中 1位更同 Suho坐埋一齊睇電視。

9/9下午世勛小心

Tao、世勛同 Suho由酒店職員陪同下揸車去三亞市中心食東北菜，食完離開餐廳後世勛不斷向後望，睇吓有冇 fans跟蹤。

艷女跟尾

而陪同 EXO 3子度假的 2位悉心打扮艷女冇得同 3子一齊步出餐廳，要尾隨上車。

出身富裕家庭，在青島有頭有面的 Tao駕住開篷 Bentley跑車（右）載世勛、 Suho及一位貼身服侍他們的酒店男職員離開菜館，而 2位艷女就駕着白色保時捷跟實他們。看來 2女的家境亦相當不錯。

EXO去哪兒

中秋節是韓國的大節日，唔單只學生同上班族連放 5日假，連一年四季都為趕行程而周圍飛的 EXO都得享休息時間，各自各享受假期。

鹿晗大休息

網上圖片

鹿晗趁住中秋佳節返咗故鄉北京，但就被撞見佢面容憔悴去求醫。其後 SM仲出埋公告話鹿晗因為持續性頭痛和失眠而會缺席 EXO泰國演唱會。雖然公司就話係應醫生建議俾鹿晗休息，但網上卻瘋傳鹿晗將會步上前 EXO成員 Kris的後塵，離開 EXO同 SM解約，搞到一眾粉絲都好緊張睇嚟緊 9月 20、 21號的 EXO巡演北京場鹿晗會唔會現身!

LAY返鄉下

中國籍成員 LAY都返咗故鄉長沙陪屋企人，仲不忘喺微博上傳自拍照同大家講聲「中秋節快樂」！

網上圖片

燦烈留韓 hea

燦烈就留喺韓國 hea玩，去咗桌球場篤波。

網上圖片

網上圖片

中秋假期完結後，除咗因病而留在北京的鹿晗外， EXO其餘 10個成員隨即投入工作，去咗泰國曼谷開騷。

木棍有釘㗎！

Tao、世勛同 Suho喺首爾經上海到海南島，全程被約 40多個「私生飯」跟實。到達海南島都仲有 7架保母車追住佢哋，激到 Tao怒氣沖沖地落車拎住一碌 1米長的木棍叫粉絲不要再跟。

Tao拎住 1米長的木棍趕粉絲；世勛都落咗車，但就只係企喺旁邊睇住 Tao怒趕粉絲走。

記者之後拾起木棍，發現上面是有 2口釘，好彩 Tao只係想 fans離開，並不是想傷害 fans。

鍾意就快D Share啦！

下一篇 》