2015年1月21日 星期三

舊愛送綠帽 C朗速撻索主播反擊 C朗,基斯坦奴朗拿度,




C朗分手嘅最新版本係,舊愛伊蓮娜暗撻大隻佬影星狄維莊遜(右圖),搞到畀C朗怒飛。不過C朗都唔輸蝕,以光速冧掂靚女主播Lucia,仲唔係各自各精彩?

next 1/1 pre

有指《戰神:海格力斯》係伊蓮娜同狄維莊遜嘅「定情作」。

next 1/1 pre

而兩個人撻着嘅原因,係日久生情。

next 1/1 pre

加上宣傳期間,兩個人唔單止形影不離,狄維仲要順勢向伊蓮娜送上深情一吻,做女仔又點會唔冧呀。

next 1/1 pre

佢哋宣傳期間嘅合照好有情侶FeeL。

next 1/1 pre

舊愛同狄維咁happy,C朗都唔輸蝕,光速搭上索女主播Lucia Villalon,仲大方公開玩胸壓嘅合照添。

next 1/1 pre

Lucia Villalon唔單止樣靚身材正,而且仲好後生添。

next 1/1 pre

大家睇吓Lucia Villalon個樣幾風騷。

next 1/1 pre

有指C朗拎「金球獎」嘅時候,之所以咁嘅表情,係因為戴咗綠帽要洩憤喎。(美聯社)

next 1/1 pre

剛奪足球界最高殊榮「金球獎」的皇馬球星C朗拿度(C朗),在球場呼風喚雨,可是近日卻跟拍拖五年的俄羅斯索模女友伊蓮娜(Irina Shayk)分手收場,伊蓮娜更被爆去年與荷里活大隻佬影星狄維莊遜(Dwayne Johnson)拍戲時撻着,C朗不甘戴綠帽怒飛伊蓮娜,然後以快過自己招牌插花腳嘅速度,光速搭上皇馬電視台索女主持Lucia Villalon!

C朗與伊蓮娜拍拖五年,一直被外界譽為天造地設的一對,近日爆出二人分手,可謂震驚全球!而二人分手原因流傳很多版本,例如伊蓮娜與C朗母親不和、C朗有小三及伊蓮娜拒婚等。但最新鮮滾熱辣是有傳伊蓮娜與《狂野時速6》(Furious 6)前摔角手兼影星狄維莊遜撻着,大男人C朗疑不甘戴「超級綠帽」,怒飛不忠女友。

鮮花攻勢冧掂伊蓮娜

據知狄維與伊蓮娜去年因合作《戰神:海格力斯》(Hercules)而戲假情真過從甚密,片中飾演狄維妻子的伊蓮娜,去年在克羅地亞及匈牙利等地長時間拍攝,最終兩人日久生情撻着。有指拍攝期間二人已互生好感,即使拍罷該片,狄維仍繼續向伊蓮娜施展冧功,除了宣傳期朝夕相對,去年伊蓮娜生日,身為男友的C朗沒有送花,狄維反而送上一大紮紅玫瑰賀壽,氹得伊蓮娜開心抱花自拍,似乎對大隻佬的鮮花攻勢相當受落!

C朗粉留言狂插伊蓮娜

現年42歲的狄維1997年曾結婚並育有一女,惟2008年離婚後一直沒有再娶。伊蓮娜傳出劈腿被飛後,C朗fans在網上留言狂插她,指她不該背男友偷食,並直指其新歡狄維遠遠不及C朗!

前度有新歡,「型英帥富」的C朗亦不愁寂寞極速換畫,據西班牙傳媒報道,近日C朗正跟皇馬電視台Real Madrid TV體育索主持Lucia Villalon蜜運,Lucia上周還上載她與剛獲「金球獎」的C朗飛返西班牙時在機上的合照,照片中Lucia大騷事業線兼胸壓C朗,令男方笑到見牙唔見眼!

新歡來頭勁

Lucia來頭亦不少,法律及新聞系畢業的她現年26歲,是皇馬早晨節目的體育主持,曾在多間電視台工作,其twitter更有9,000名粉絲,在國內人氣不俗。而二人傳出戀情後,電視台方面以他們只談體育為由拒絕回應。至於C朗則就與伊蓮娜分手發聲明表示:「分手對大家都有好處,希望伊蓮娜開心!」



鍾意就快D Share啦!
Related Posts Plugin for WordPress, Blogger...