全城熱爆的娛樂八封新聞 & 時事趣聞 & 生活 + 趣聞
邊拍邊拎住個電話唔放，連工作人員都忍唔住出聲叫婷婷擺埋個電話一邊先！
吳家麗近年戲癮發，自己做導演拍鬼片《有客到》，早排就要徐子珊解剖老鼠而嚇到不死珊半死，仲上埋雜誌封面。
上週四（ 15日）《有》片繼續開工，徐子珊個單元拍完，就輪到謝婷婷，今次婷婷飾演死人化妝師，所以佢一身打扮都好隨意。咪以為婷婷喺演藝世家出生就好有演戲天份，當日全知言睇咗一粒鐘，婷婷只係拍咗 3個鏡頭啫，但就每個鏡頭都有 NG，仲要鏡頭與鏡頭之間，唔係睇劇本而係喺度玩電話！好在首次做導演嘅吳家麗都好耐心咁教佢，否則個個黑佢面就唔係幾好
未埋位，婷婷一樣係攞住個電話猛咁玩，唔通同新仔傳情？
恐怖片，四圍走嘅老鼠和白面女鬼又點少得呢？
埋位時，婷婷（箭嘴）就聽工作人員指示企位同要點做，而吳家麗已經無咁好氣，企埋一邊睇 cam算數。
呢排頻頻拍戲嘅郭偉亮 Eric Kwok，今次做露股殺手，仲要追殺婷婷，真係好期待 Eric Kwok個變態樣呀！
