2015年1月21日 星期三

[FACE - 400] 走頭有路 甩黎明周圍搲撈 衞蘭翻黐 TB密友博翻身 衞蘭,黎明,MF,




前助手阿端是衞蘭姊妹花多年閨蜜,社交網絡常見三人合照,最新發展,阿端成功拉攏兩姊妹加入其新成立之花火音槳做一姐。網上圖片

真面目

走頭有路 甩黎明周圍搲撈 衞蘭翻黐 TB密友博翻身

正所謂成也黎明、敗也黎明, 04年由和音變新人王,一手捧紅衞蘭嘅伯樂係黎明,出道 11年,搞到衞蘭唔上唔落,遲遲冇得升呢做天后嘅,有人話一樣係因為黎明。

藝人走完一個又一個,黎明無心再搞 A Music係事實;年年傳離巢, Janice有離心多人爭一樣係事實。最新動向,衞蘭唔熟唔食,即將帶埋妹妹衞詩翻黐 TB密友阿端及前英皇高層 Kitty媽組成新 Lable「花火音樂」,去年尾場《 Walking to the Future》紅館個唱,真係臨別秋波告別黎明最後一唱!







衞蘭同阿端點只藝人與助手咁簡單? 10年前衞蘭初入行就獲派阿端做助手,繼而再照顧埋妹妹蘭詩。關係密切又經常登堂入室, 07年更一度同衞蘭傳出 SheShe緋聞,當年老闆黎明驚衞蘭被帶壞更怒炒阿端。離開 A Music後,阿端繼續活躍圈中,亦繼續與衞蘭兩姊妹做閨蜜。據悉,與 A Music滿約後衞蘭亦不屬意其他財力實力雄厚得多的唱片公司,而係投靠阿端。

一出道就由阿端做貼身助手,不過 07年黎明因為傳斷背兼疑似帶壞衞蘭怒炒阿端。

一度發掘衞蘭、當正衞蘭係手上皇牌,近年黎明少理愛將,上次同場已經係 13年雷頌德演唱會。

去年 11月一連兩場紅館個唱,圈中不少好友、教友都到場捧衞蘭場,不過就一直不見黎明露面。《蘋果日報》圖片

祈禱爭衞蘭

一向在圈中吃得開,阿端離開 A Music後做過關心妍助手、同王祖藍夾份開過甜品店、又擔任過歐陽靖、李逸朗經理人,去年中則與離巢的前英皇唱片部高層 Kitty媽夾份開設新公司「花火音樂」,旗下藝人除了李逸朗、 Kitty媽教會姊妹文恩澄、 A Music棄將應昌佑外,還有即將公佈的衞蘭兩姊妹。

本刊致電 Kitty媽,她就在電話中承認斟洽中:「我哋係有提出 offer,不過人哋都要考慮㗎,佢哋好似喺埃及放緊假!你知在衞蘭衞詩嚟講,要諗嘅唔只係錢,我估衞蘭呢種歌手好多人爭,你知我哋大家都係基督徒,會祈禱等上帝安排!」據聞花火音樂仲極力拉攏衞蘭入埋股,咁有得講耶穌咁啱嘴形,又有得做老闆自己話事,勝算一定大好多!

埃及放長假(網上圖片)

個唱後衞蘭承認即將滿約、又未獲黎明邀請傾新約,索性放兩個月大假,約埋衞詩遊埃及。(網上圖片)

阿端與前英皇高層「 Kitty媽」合組新公司「花火娛樂」及「天立音樂」,旗下藝人, Kitty媽表示暫時只得李逸朗、梁雨恩及趙雅芝兒子黃愷傑,衞蘭衞詩則未能作實。(網上圖片)

網上圖片

近年篤信基督教的衞蘭兩姊妹交友圈亦離不開基督徒,據悉「花火」吸引力除了閨蜜阿端,還有同樣虔誠信主的 Kitty媽。(網上圖片)

大風吹

黎明初搞 A Music係威係勢,除咗自家一手捧起新人王,還有千嬅、杜汶澤、陳小春等紅星,不過大星嫌黎明乜都管約滿即走,新人亦各有去向所剩無幾。

《蘋果日報》圖片

應昌佑

05年一度係 A Music力捧新人,不過無以為繼開工不足,結埋婚生埋仔都冇乜人知,已轉投花火音樂旗下天立唱片。

JM

曾經係全港只得一個嘅「模 Art」,不過都係嫌黎明樣樣管、發展不如意,去年轉投太陽娛樂做一姐。

李治廷

合作《武媚娘》後與范冰冰傳緋聞,近年主打黐冰冰,有傳黎明亦半放棄開綠燈。

JW

10年出道後僅僅出過兩隻 EP,近三年工作量近乎零,去向不清。

王歌慧

16歲被黎明收歸旗下, 25歲都未有碟出,最近拍港視《來生》做社運女神,先至叫有人談論。



鍾意就快D Share啦!
Related Posts Plugin for WordPress, Blogger...