後台二人起勢傾，企喺旁邊嘅同事都唔知搭唔搭嘴傾埋一份好！
全知言
蕭正楠黃翠如 由早見到晚直落返歸
去年初已經拍完，播期一拖再拖嘅《師奶 Madam》終於上週一（ 12日）首播，由於呢部劇令大纜扯唔埋嘅蕭正楠同黃翠如撻着，故事講咩都已經唔係重點了！
上週日（ 11日），《師》劇喺商場做宣傳，男女主角梗要現身當日全知言就前台後台睇到實，發現蕭正楠同翠如 BB已經去到毫無避忌，公然打情罵俏嘅地步。拍拖將近一年，期間又傳有第三者吳若希介入都無損二人感情，睇到全知言眼都紅晒！
完咗宣傳，其他人各有各走，蕭正楠同翠如 BB亦好自然地一齊落停車場攞車，再齊齊返蕭正楠位於荔景嘅寓所！由早到晚、人前人後都表現恩愛，睇怕呢 pair都幾難俾第三者乘虛而入喎！
|
鍾意就快D Share啦！
|
|
|
