2015年1月21日 星期三

[FACE - 400] 加把口 嬲爆港女論 抽杜如風水 余文樂鬧岑潔儀:臭× 岑潔儀,潔儀,杜如風,余文樂,MF,




上週三( 14日)岑潔儀為馬來西亞富商老公生咗個仔,未生前已經有鋪炫富癮,家陣有個仔揸手,仲唔更加要乜有乜?網上圖片

真面目

加把口 嬲爆港女論 抽杜如風水 余文樂鬧岑潔儀:臭×

06年參加大台綜藝節目《美女廚房》加入娛圈的岑潔儀, 8年來從未紅過,直至月初在微博發表「別問衫點解咁貴:問為甚麼買不起!」的偉論後,先叫多咗人識佢兼鬧佢。

曾經被𡃁模王璐瑤( Lu Lu)爆濫交的余文樂,日前在友人討論岑潔儀近日偉論的 instagram時留言「臭 x」。雖然「臭 x」有好多可能性,但呢一句說話點睇都唔友善,早排至同杜如風去完京都旅行的余文樂,到底係討厭港女?還是討厭模呢?

月初岑潔儀發表完偉論後即被余文樂老友轉戴, ig名叫「 lok666」的余文樂亦好快打咗呢句「臭×」回應。網上圖片

27歲的岑潔儀,曾經與台灣歌手陶喆拍過拖, 12年與馬來西亞富商 Dixon Chin結婚即升呢成為闊太,不時在微博晒鑽戒、 shopping戰績等,不過月初的港女偉論,令岑潔儀這個名字再次打入熱門搜尋榜。

撐老死 ig開火

「希望全天下的女人都不要問衣服 r什麽那麽貴,要問自己 r什麽買不起,價格是由市場决定的,買不起是你自己的問題。」岑潔儀在微博的偉論受到多番關注,日前余文樂在友人討論這偉論的 instagram上,就直接留言說:「臭 x」。

因旅遊節目《流行首爾》令杜如風變成「世界級港女」,港女風即掀起熱潮。向來愛在微博晒命搏關注的岑潔儀,都馬上貼出新的港女論而成功搏到版位,但余文樂就不滿岑潔儀抽老友杜如風水而直接留言「臭 x」。

婚後經常喺微博晒恩愛,但有網民就唔多受落,都係嗰句,葡萄啫!網上圖片

去年 12月余文樂至同杜如風去完日本旅行,係咪真心 friend,唔使講網上圖片

唔敢識𡃁模

12年 6月, LuLu就攞咗同余文樂嘅私人短訊出嚟,點知余文樂話唔識佢之餘仲想採取法律行動, LuLu即刻收聲。《忽然 1周》圖片

撐老友其一,還有其二是余文樂自 12年被指與𡃁模王璐瑤( LuLu)互傳露骨情慾短訊。當時 Lu Lu自稱與余文樂拍戲時認識,更短訊來往好幾年,但余文樂就堅稱唔識 LuLu,更說:「𠵱家傳得太過分,我會考慮訴諸法律。根本就唔識佢!」事件亦因此告一段落,但余文樂從此對𡃁模充滿戒心,見過鬼怕黑,余文樂再無與𡃁模扯上過關係。

剛於上週三( 14日)為馬拉富商老公 Dixon誕下囝囝的岑潔儀,據知已出院返家休息,本截稿前仍未聯絡上,但睇嚟岑潔儀不如專心相夫教子,少講為妙

港女有鋪炫富癮

瞓頭等房

愛晒命的岑潔儀識揀一定要揀港安醫院頭等房,雖然每晚只係 3,800蚊,但係呢張相望埋去,霸氣已經出晒嚟網上圖片

地鐵測試

唔少大肚婆都有坐交通工具等人讓座嘅經驗,但岑潔儀都話要試吓,但佢明顯又係想話畀人知係坐私家車多過坐地鐵網上圖片

晒 BB貴床

微博上晒嘅呢張 Leander BB床,楊千嬅同陳慧琳個 B都用佢,盛惠$12,800呀!網上圖片

分娩前搞 P

仲有一個月生得,老公就幫岑潔儀搞咗個 party,又係炫耀環節。網上圖片

150萬買車位

唔睇第一句真係冇事,既然要自用就要買啦,點解要加句「有錢冇碇使」嚟引起民憤呢?講反話都講句啱聽啲網上圖片

鬧你咪鬧你囉!

人與人之間,除咗和諧,仲有不和!多年來娛圈都發生過唔少罵戰,有啲因為工作,有啲因為觀點,有啲,咪因為貪玩囉!

黃秋生 杜汶澤

13年黃秋生批評杜汶澤套《低俗喜劇》時話:「你哋兩個 cheap就算啦,唔好拉人落水一齊 cheap啦,大佬!」而掀起罵戰,期間阿澤又話「唔再容忍佢」,秋生又話「邊個同佢 friend」,但事隔一年二人已破冰同枱食飯。

方力申 葉璇

04年二人擔任雅典奧運主持時,因為葉璇多次打斷方力申對白而不和,喺直播畫面發生爭拗,方力申話:「跟住係你串我吖嘛!」被視為互鬧經典。

曾志偉 曾華倩

08年東華騷尾聲,懷疑曾志偉飲大兩杯,突然粒聲唔出走去丘凱敏身邊,施展魔爪功想除對方條褲,結果身邊嘅曾華倩見到即時阻止大喝:「夠膽就搞阿姐!」



鍾意就快D Share啦!
Related Posts Plugin for WordPress, Blogger...