[壹週刊 - 1300] 吳千語買衫唔知價 吳千語,千語,M1,

同你吟一吟

吳千語買衫唔知價

拍拖去完北海道滑雪，林峯交完人就要埋位開工。早個禮拜，《壹》仔見到千語 BB一個人行圓方，冇咗好愛好愛自己嘅林峯响身邊， BB鳩嗚一樣絕不手軟。第一站 Chanel，店員見到貴客到，自動波攞晒啲新貨出嚟招呼，千語 BB睇中新出無耐嘅 Chanel波鞋，買！

Chanel有收穫，轉戰 Joyce尋寶。 BB逐件快揭，睇啱就攞上手，速度之快，似 C9搶緊 99蚊跳樓貨，但重點係，佢全程只係睇款唔睇價錢牌，豪！

呢晚只有一個人開餐， BB是是但但去超市買咗兜沙律，生果沙律菜樣樣執少少又一餐，跟住順便買埋牛奶餅乾返屋企做儲備，搞掂走！

千語 BB法則：放入口嘅，可貴可平，好有彈性；但著上身嘅，就一定唔貴唔舒服。

千語 BB一碌木咁企喺度，就有人攞波鞋、攞手袋俾佢慢慢睇，果然係 VIP。

先睇男裝，再睇女裝， shopping都會預埋米飯班主，識撈。

行去超市自選沙律吧，逐磅計， BB一盒夠數。

除咗沙律，再買埋餅乾牛奶益力多，早餐消夜皆宜。

鍾意就快D Share啦！

下一篇 》