身為賭王孫女，何開梓（右）戴埋頭盔重裝落冰場，由老豆何猷龍發號施令，同其他兩個小朋友鬥快踩冰。
同你吟一吟
何猷龍一個夠晒數
賭王老豆有四頭家，但身為二房孻仔嘅何猷龍， 01年同維他奶創辦人羅桂祥孫女羅秀茵結婚，一條心錫老婆， 06年囡囡何開梓出世，佢亦冇急住追多個，一個老婆、一個女，夠晒數。
身兼新濠國際主席兼行政總裁，又係上海市政協委員，仲要搞緊新賭場，但幾忙都好，何猷龍都會抽時間照顧身邊兩個女人。早排《壹》仔响圓方見到何猷龍帶住囡囡同成班小朋友一齊溜冰，太太羅秀茵就從高處睇住兩父女玩。
之後兩公婆請晒班小朋友去食雪糕，再吩咐工人、保鏢帶囡囡返屋企，何猷龍就陪老婆拍拖 shopping。
另一日，《壹》仔喺中環見到何猷龍企埋一二邊篤住部 iPad等人，原來囡囡唔舒服要睇醫生，戴住口罩嘅何開梓一見到老豆就攬實，原本睇緊 iPad嘅何猷龍，亦即刻將公事放埋一邊。
何猷龍唔可以獨享父愛，但佢個女可以。
|
鍾意就快D Share啦！
|
|
|