[壹週刊 - 1300] 死心周永恒 Ruby復合 阿 Yu轉做化妝師養女 Ruby,周永恒,劉伊靜,M1,

週一（二月二日），本刊在銅鑼灣發現化妝學校 Beauty Tech校長 Janae在咖啡室幫阿 Yu補課，她指着筆記不斷講解，阿 Yu專心聆聽。

探熱針

死心周永恒 Ruby復合　阿 Yu轉做化妝師養女

去年對太太趙頌茹（阿 Yu）施行家暴，被法庭判守行為 18個月的周永恒，其間因涉嫌恐嚇阿 Yu、向外母吐口水，再被控一項普通襲擊罪，裁定判監兩個月，緩刑 18個月。唔使坐，甩難周永恒索性同掟煲唔掟蓋的小三 Ruby復合慶祝。

至於脫離周永恒魔掌的阿 Yu，懶理對方同小三風流快活，一條心靠雙手養大兩個女，更豪花六萬五千元，報讀化妝及形象指導課程，密謀轉行做化妝師。

校長親自補課

本週一（二月二日），阿 Yu於銅鑼灣與化妝學校 Beauty Tech的校長 Janae，在咖啡室密斟，只見 Janae攞住化妝書和筆記不斷講解，傳授化妝要訣。是日阿 Yu即學即試，幫自己化妝，表現積極。

「阿 Yu以前做過形象指導，但佢想更加專業，所以最近報讀咗舞台化妝同形象指導課程，前後要讀九個月。其實近期都接到唔少幕前工作，但娛樂圈始終今日唔知明日事，為咗兩個女，阿 Yu想鋪路轉行，做形象指導同化妝師，希望將來可以再做埋導師，總之預咗靠自己養兩個女，阿 Roy俾唔俾贍養費未知，但至少多一個保障。」阿 Yu身邊人說。

Janae在阿 Yu面上示範不同化妝方法，她學習當中的分別。

靠自己過新生活，阿 Yu笑容再現，補課後更去了鳩嗚，心情很好。

阿 Yu修讀為期九個月的舞台化妝及形象指導課程，讀畢在英國和澳洲獲認可執業資格。

在大堂見到同學，阿 Yu跟她們有講有笑，很適應進修生活。

現在阿 Yu行騷甚有台型，完全不似兩女之母，加上人生閱歷，更有味道、型格。

周永恒常說想見兩個女，其實他只要透過社工聯絡阿 Yu，便可獲安排見女，阿 Yu並冇阻撓父女見面。

前夫「廢」噏

有校長親自補課，阿 Yu跟化妝班的同學亦相處融洽，有講有笑，可見她已重建自己的社交圈子和自信。

前妻努力自我增值，只顧風流快活的周永恒，早前同 Ruby正式復合。無業多時的他，有女方補貼好食好住，買定龍蝦、生蠔賀他普通襲擊罪輕判。問到與 Ruby現時關係，周永恒寸嘴說：「又係渲染，報紙近期好好賣，我都做咗好多期主角！」

把口說仍然深愛阿 Yu的周永恒，稱犯下大錯不能原諒自己，只希望阿 Yu可以有好生活。對前夫的「廢」腑之言，阿 Yu已沒感覺：「希望二○一五年有個新開始。」

周永恒和小三 Ruby已復合，但周永恒高呼仍然深愛阿 Yu，認真厚顏。

Ruby愛入廚氹周永恒，早前便弄他最喜歡的龍蝦和生蠔，讓他冧爆。

傷口上撒鹽

周永恒在庭外主動重提阿 Yu年幼時遭親戚性侵犯一事，他說：「我想講阿 Yu細個嗰陣有啲案件，希望佢都正視去報警，既然佢會將家事訴諸法律嘅話，希望佢會處理番件事。」擺明在前妻傷口上撒鹽。

其實當初阿 Yu願意公開事件，都是周永恒的主意。「其實當日阿 Yu未有心理準備公開，公開係阿 Roy意思。阿 Yu唔想長期受老公辱罵，就選擇順應佢要求。其實老婆兒時遭性侵，做老公嘅應該係安慰同保護，但有足足一年時間，阿 Roy用呢件事攻擊阿 Yu，成日撩交嗌，然後搵藉口去陪 Ruby。佢仲用呢件事鬧埋阿 Yu父母，搞到阿 Yu同父母關係好僵，有段時間唔敢返外家。」知情人說。

鍾意就快D Share啦！

下一篇 》