素顏唔係罪，性感露胸唔一定靚，但袁嘉敏一頭散髮，加埋求其打扮再襯婆仔鞋，真係好驚嚇！
同你吟一吟
驚 袁嘉敏莊思敏 鬥嚇鬼
呢排娛樂圈好惹味！有窮家出身袁嘉敏拍電影《鴨王》一脫求名，至於大把錢嘅拿督女莊思敏，就抄莫文蔚瞓梳化影半裸照晒股，希望剝出血路。
《鴨王》上畫，首日票房贏尊尼特普孭飛新作《華麗怪盜》，三日票房累積百六萬，處女裸作剝出成績嘅袁嘉敏，上個禮拜三（一月二十八日）一滴妝都冇化、打扮 C9現身中環一間髮型屋，不過唔係去 set頭，而係派《鴨王》贈券俾班相熟髮型師，希望佢哋多多捧場。
袁嘉敏送埋飛俾老友入場睇佢露兩點，至於講到明露肉不露點嘅莊思敏，都係勇字出頭，同助手圓方 high tea，亦係素顏出動。
老豆係大馬拿督嘅莊思敏話過有錢唔係大晒，做娛圈要靠自己努力，所以唔介意公開整容隆胸影裸照製造話題；點只呀！佢更加唔介意裸妝出街見人，不過八珍想講：我介意囉！嚇鬼咩！
|
鍾意就快D Share啦！
|
|
|