全城熱爆的娛樂八封新聞 & 時事趣聞 & 生活 + 趣聞
發哥發嫂生活規律，瞓得早起得早，所以屋企開飯時間，亦有早冇夜，免得影響消化。為咗令老公食得健康，發嫂只要人在香港，幾乎日日都會去街市買餸，唔新鮮嘅，唔買唔食。上星期五（一月三十日），黃昏七點幾，大部分街市檔同《壹》仔一樣，都差不多夠鐘收檔，但竟然見到應該响屋企同發哥撐緊枱腳嘅發嫂，泊咗架波子 Jeep喺街市外面。
《壹》仔環迴一圈，搜尋結果係喺永富買生果，仲同老闆老闆娘吱吱噚，其間老闆娘俾咗幾盒喺日本買返嚟嘅感冒藥發嫂。唔好誤會，永富並唔係賣埋日本藥，八珍八過，原來早排老闆娘去日本入貨，順手做埋人肉網購，幫發嫂買啲感冒藥，俾佢帶住出門，事關嚟緊發哥發嫂要巡迴內地，幫《賭城風雲 2》做宣傳，看吓門口咁啫。熟客變老友，發嫂日子有功。
發現有鏡頭「隊」住，發嫂即刻匿埋老闆娘身後，至於老闆兩父子就繼續尋找《壹》仔。
家居出門，必備良藥，發嫂手上嗰幾盒感冒藥，唔少港人去到日本，必買。
買咗大袋生果，同店員夾手夾腳搬上車。
