[FACE - 405] 蔣志光暗撐 Busking 蔣志光,MF,

蔣志光同陳康健坐船期間唔算多交談，就算有都係細細聲，真係完全唔知佢哋講乜！

全知言

蔣志光暗撐 Busking

一首〈愛是永恆〉令蔣志光翻 hit，〈相逢何必曾相識〉又上番卡拉 ok頭幾位，唔少後生仔女亦由唔識佢變欣賞佢，但其實入行 30年嘅蔣志光對音樂嘅熱誠，真係一路都無變過。

早前蔣志光就同埋喺《老表，你好 hea！》入面飾演乞衣、亦即係參加過《超級巨聲》嘅陳康健，一齊由尖沙咀坐船過中環，全知言仲諗，兩條男人咁浪漫坐船過海？估佢唔到原來兩個熱愛音樂嘅人，為咗音樂原來真係可以去到好盡。佢哋山長水遠，原來係去中環碼頭外面聽街頭演唱！全程個幾鐘佢哋就企足咁耐，而且仲好低調，就算嗰位街頭音樂人叫蔣志光即場露兩手，蔣志光都婉拒唔會搶鏡，真高手呀！

戴帽戴眼鏡嘅蔣志光無陳康健咁高調染晒頭髮，但係咁至有高人 feel囉！

街頭演唱嘅音樂全知言唔多識，但蔣志光同陳康健就聽得好入神。

鍾意就快D Share啦！

下一篇 》