狂接廣告
廣告中，王宗堯要揸住條「口水肩」，回憶小時候和媽咪的點滴，未正式埋位時，王宗堯背熟對白，最後拍咗幾 take，導演就收貨。
真面目
原班人馬 蕭定一揼錢開《選戰》電影版 王宗堯：同李心潔分唔開
榮升男神嘅王宗堯，人氣急升帶挈工作暴增，短短兩個月已經接咗 4個廣告，連洗衣機都搵佢代言！
據知老闆蕭定一正與港視斟洽版權，阿一想幫愛將乘勝追擊，落實開拍《選戰》電影版力捧王宗堯，女主角正落力游說李心潔，陳逸寧將會有更激場面，而開拍前劇本、角色非常保密。王宗堯說：「李心潔做女主角係不二之選，張癸龍同葉晴係分唔開！」
多得《選戰》張癸龍一角，王宗堯吐氣揚眉，其經理人公司老闆蕭定一睇準時機開拍《選戰》電影版。廣告接到手軟，又有老闆重用，王宗堯馬年大豐收，羊年殺入影壇。
任李心潔開片酬
收入幾級跳，王宗堯話儲緊彈藥買磚頭同新車，港視劇集《選戰》已經大結局，據知蕭定一與王維基密斟，商討開拍《選戰》電影版，當然版權費要好好商量食住個勢，王宗堯升呢擔正男主角，女主角一樣由影后李心潔演出。不過據知要說服李心潔演出，阿一背後都花咗好多功夫，仲講明開價幾高都冇問題，因為張癸龍同葉晴關係千絲萬縷，冇李心潔點成事！至於同王宗堯有激情對手戲的陳逸寧，同樣在電影版佔一角，據知今次仲會有更大膽的演出。
問到開拍電影版，王宗堯就話：「交畀公司處理，不過李心潔做女主角係不二之選！張癸龍同葉晴係分唔開嘅！」而中國 3D數碼娛樂宣傳部發言人回覆：「阿一係有計劃開拍《選戰》電影版，女主角首選係李心潔，好多嘢未落實，唔可以透露太多。」電影版預計四、五月開拍，新年後將會落實更多角色添！
陳逸寧繼續露
《選戰》電影版除咗繼續有廖啟智、王宗堯和李心潔黨派打對台外，據知莊思敏、鄭欣宜和張建聲這班阿一愛將亦會加入競選智囊團。劇中穿梭王宗堯和智叔之間嘅陳逸寧，不排除會有更激演出，繼續同王宗堯肉搏，而電影版仲會有唔少打鬥場面出現。
代言專家
王宗堯榮升新一代男神後，荷包豬籠入水，兩個月內已經接下 4個廣告，他說：「可以脫離張癸龍，做番王宗堯去代言產品，真係好開心！」廣告、商演和電影接唔停，買車買樓， easy job
|
鍾意就快D Share啦！
|
|
|
