[FACE - 405] 趁後生露 挑機袁嘉敏姨姨 Coffee拍三級片：全裸都得 袁嘉敏,林芊妤,Coffee,BKD_S,MF,

•身為專業瑜伽導師的 Coffee，不時自創高難度動作，呢招亦唔例外，仲古靈精怪扮食腳趾。

真面目

趁後生露　挑機袁嘉敏姨姨　 Coffee拍三級片：全裸都得

憑「殘廁 gathering」成名的 Coffee林芊妤，自被大台炒魷就一邊教瑜伽、一邊登台𢱑銀，收入升幾倍！工作倍增， Coffee桃花亦愈來愈旺，先有澳門猛人上海仔郭永鴻力追、又孖住男神王宗堯掃傢俬，最近仲被拍到與高海寧的男模舊愛 Keo煙韌搭地鐵。

雖然緋聞男友名單水蛇春咁長，不過統統無米粥，女人始終都要靠自己。據知 Coffee手中已有一部三級片劇本，但鑑於瑜伽導師身份， Coffee至今仍在考慮中。如果真係接拍，據聞仲會露得激過袁嘉敏， 25歲 Coffee說︰「全裸無問題！影得靚就得！」挑緊 30歲袁嘉敏姨姨機喎！

經過殘廁一役後， Coffee雖然曾經講過唔想有性感演出，不過轉頭就喺新戲《壹獄壹世界:高登闊少踎監日記》性感上陣，仲同男主角王宗堯重演殘廁激戰。沒有最激，只有更激！據知有「 S」身材的 Coffee，最近有一套三級片力邀演出，雖然已經收下劇本，不過鑑於瑜伽導師專業身份，角色係一個考慮因素，至今 Coffee仍未有決定。

週一（ 23日），本刊致電 Coffee問到有關拍三級片一事，她回答時表現避忌，「唔講得住！因為高度秘密，睇咗劇本，但仲未應承㗎！（底線？）自己全裸都無問題！露得靚係一種藝術！我覺得袁嘉敏都幾有勇氣，幾欣賞佢。因為自己對於身體裸唔裸露，唔係抱住傳統觀念，最緊要拍出來靚，同埋要遇到好嘅劇本同導演。」 25歲嘅 Coffee擺明向 30歲袁嘉敏挑機，未拍已經分勝負

• Coffee做起高難度瑜伽動作都有板有眼，一啲都唔 hea㗎！

• Coffee呢個倒立甫士，睇完有冇噴血感覺呢？

•當年衞蘭呢個唱片封套俾人笑足成年，但 Coffee話呢個動作都唔易做㗎！

• Coffee經常做瑜伽，身形弗到漏油，佢話仲開始練緊腹肌添！

30歲袁嘉敏喺《鴨王》個 look，相信大家仍然歷歷在目！相比 2字頭的 Coffee，袁嘉敏都即刻變成袁姨姨

• Coffee於電影《壹獄壹世界：高登闊少踎監日記》繼續性感上陣，戲中會抄足傅嘉莉喺的士攬啜肥叔叔，仲會同王宗堯重演殘厠激戰。

撻着高 Ling前度　 Coffee：總之我𠵱家單身

Coffee身邊不乏男伴，最近又被爆出，先後與「咪神」高 Ling及蕭亞軒傳緋聞的男模 Keo梁耀基拍拖。身高 188cm，貌似陳冠希的 Keo，當年高 Ling曾承認與他拍拖兩個月，而蕭亞軒就極力否認，還在微博狠責「大說謊家，會到不了天堂喔！」暗指 Keo借她上位。

而 Coffee就斬釘截鐵地說：「我同佢識咗好多年，嗰日只不過同朋友出去食飯。總之我𠵱家單身！唔想拍拖住！以後影到同咩男仔一齊都只會係朋友。」

• 10年， Coffee孖住好友劉俐、關宛珊、男模 Keo（箭嘴）以及另一位男友人到韓國旅行，當時 Coffee仲同 Keo玩到頭貼頭。網上圖片

• Keo青靚白淨，打扮跟足韓風，除高海寧外，同蕭亞軒亦傳過緋聞。網上圖片

•同高海寧拍過拖嘅 Keo，同唔少圈中人相熟，本身仲係一位模特兒。網上圖片

鍾意就快D Share啦！

下一篇 》