冇有怕 吉日七月三日 周汶錡大肚犯禁搬大屋 [壹週刊 - 1312] 周汶錡,M1,

探熱針

冇有怕　吉日七月三日　周汶錡大肚犯禁搬大屋

名模周汶錡（ Kathy）佗仔七個月，仍未見身材臃腫走樣，神奇！據知，已擇好吉日七月三日劏肚生的她，最近已由馬己仙峽道三千呎舊居，搬到月租要三十萬的四千呎曉廬，做潮媽之前，先做 Eason鄰居。

肚痛入醫院

位於司徒拔道的豪宅曉廬，除已出售的卅個單位，其餘只租不賣。

周汶錡與法籍富豪老公 Julien Lepeu去年造人成功，四十一歲的 Kathy加入娛圈高齡產婦大軍，名模訓練有素，佗 B亦異於一般大肚婆，周汶錡就算已經有咗七個月，依然得個肚仔。

「 Kathy佗得好靚，七個月仲未有水腫走樣，個肚又唔大。第一次佗 B，仲要係高齡產婦，但 Kathy都唔戒口，之前仲試過亂食嘢，搞到肚痛入院，好彩冇事！」知情者說。

同 E神為鄰

擇好日子剖腹生仔，又請定陪月，萬事俱備，但為了 BB有足夠活動空間，周汶錡唔理大肚禁忌，最近由馬己仙峽道搬了去位於司徒拔道的曉廬，同陳奕迅做鄰居。

「 Kathy揀咗七月三日開刀生，佢話呢個日子夾自己同老公。馬己仙峽道間屋住咗兩年，知道有咗 BB後，佢就搵屋搬，想 BB有多啲空間係一個原因，但最重要係佢想有多啲地方擺嘢，以前住嗰個單位其實已經有三千呎，曉廬間屋仲大，有成四千呎，不過一個月要三十萬租。」

投老公所好

由本來不打算生小朋友，到將為人母，周汶錡得一想二，唔介意生

多個。

「 Kathy到而家都係唔多鍾意細路，只係老公真係好想有， Kathy唔想同 Julien為咗小朋友嘅問題影響大家嘅感情，所以就算唔想，都幫佢生，生得一個，就唔會介意生多個」知情者說。

Julien與 Kathy的混血 B將於七月三日出世，為迎接小生命來臨，兩公婆不時四出搜羅 BB用品。

家姐懷孕後，準阿姨周麗淇便食物檢查官上身，管住家姐三餐，比大肚周汶錡更緊張。

法籍的 Julien家底豐厚，婚後經常與 Kathy周圍去旅行歎世界。

Kathy宣布有喜後，好友黃佩霞、袁詠儀、蔡一智老婆周雪芳及伍詠薇均送上祝福。

今年農曆年， Kathy發放比堅尼大肚照，並以中英文寫道：「愛，讓我們溫馨的家增添一位小天使，衷心期待 2015的夏季。」

風水盤

樓高 73層的曉廬，發展商是許世勳家族的中建企業集團。單位全部是三千六百呎以上、四房兩廳設計，出名風水好，張學友、邢李㷧等也曾是上址住客。而百多個單位中只有三十戶是已出售，其他全由發展商持有，只租不賣，租價超過二十萬起跳。

許晉亨　李嘉欣

07年許晉亨與李嘉欣結婚，老爺許世勳將兩個當時市值近兩億港元的曉廬高層單位作為一對新人的結婚禮物，事後許晉亨將兩單位打通自住，兩年後一索得男。

陳奕迅　徐濠縈

11年，徐濠縈以月租廿多萬搬到曉廬，入住風水屋後， Eason事業發展暢順，單是巡迴演唱已經賺到笑。

鍾意就快D Share啦！

下一篇 》