全城熱爆的娛樂八封新聞 & 時事趣聞 & 生活 + 趣聞
今年初，高等法院駁回于文鳳嘅上訴許可，指佢冇權向前男友周星馳追討山頂普樂道豪宅「天比高」 7,000萬投資佣金；上個月， 96歲父親于鏡波仲走埋，雖然人財兩失，但于文鳳心理質素極高，上個禮拜二（四月二十一日），佢去咗中環皇后大道中間 ZARA買衫，心情已經好到不得了。
入到 ZARA，做定功課嘅于文鳳用電話向店員展示款式，之後等埋個朋友到，兩個一齊走上一樓女裝部慢慢揀。于文鳳主力試套裝裙，期間見到個價值$459嘅蛇紋小手袋，同朋友研究完一輪，買！買飽再行去擺花街飲茶傾偈。女人要忘記唔開心嘅嘢， shopping絕對首選！
喺試身室試完一輪，手上已揀了一批衫的于文鳳再向店員了解其他款。
女人買袋無分平貴，孭住 Hermes嘅于文鳳，對眼前只需$459就有交易嘅蛇紋手袋，同樣愛不釋手。
做咗功課嘅于文鳳用電話向店員查詢心水款式，可惜好多都冇晒貨。
俾錢前，逐件 check清楚，買咗兩袋走，于文鳳同朋友一人攞一袋。
