全城熱爆的娛樂八封新聞 & 時事趣聞 & 生活 + 趣聞
是日紅姑食龍蝦配天使麵，但唔知佢係細食定怕肥，啲麵幾乎冇郁過。
不經不覺，鍾楚紅老公 Mike Chu走咗接近八年，要平復中年喪偶傷痛，全靠朋友支持同宗教信仰，過咗最難捱嘅階段，鍾記除咗積極出活動拍廣告搵錢，近年仲揸埋機影相，培養興趣搵寄託。
上星期一（四月二十日），鍾楚紅同一男一女加個小朋友喺 Cafe Landmark食 Lunch，但佢似乎唔多好胃口，叫咗碟龍蝦配天使麵，食完隻蝦就撩牙，啲天使麵幾乎原封不動，好浪費！雖然呢餐唔使閣下埋單請客，但食剩咁多，似乎同你係環保大使嘅身份有牴觸喎。如果真係咁細食嘅，落 order就話俾人知扣底，再唔係就打包拎走，唔好製造廚餘，咁不合時宜！
食飽飽，搽完唇膏再撩牙，《壹》仔數過，紅姑前後用咗三支牙籤，先肯收手。
冇化妝冇 set頭，黑超遮樣，一樣有星味。
落到街，紅姑見到自己架車但司機唔知去咗邊，即刻奪命追魂 call。
