2015年4月30日 星期四

識分庄閒 洗米華肉緊攬啜慰妻 [壹週刊 - 1312] 洗米華,周焯華,M1,



他一到場,唔理三百人賓客目光,撲向大肚老婆肉緊地又攬又錫。玩還玩,周焯華始終以老婆為重。

探熱針

識分庄閒 洗米華肉緊攬啜慰妻

周焯華(洗米華)的正印大肚婆陳慧玲( Heidi)在 fb貼上巨肚性感寫真及送兒子周柏豪返英相片後,搶米 Mandy Lieu與周焯華的法國蜜照亦同時流出。

為顧全大肚老婆,男方事後高調歸位,還於人前肉緊又攬又啜,周旋於兩女之間,好忙!

周焯華拖老婆出席澳門電影節時,對住傳媒 cool爆,但鏡頭後同老婆頭貼頭煙韌。

嘟嘴照相,周焯華對住妻女就係咁 sweet。

Heidi搞慈善晚宴,一直撐新抱嘅周焯華父親及胞姐都現身捧場,行動表明上下齊心。

晚宴有慈善手繩拍賣,撐愛妻嘅周焯華二話不說攞出金牛話要買一千條。

確實懷有「華種」的 Heidi,無須遮掩,還在臨盆前兩個月同囡囡拍寫真留念。

上月 Mandy返港遮肚晒鑽錶後,周焯華在澳門春茗派對高呼:「我是最愛老婆的!」

一人一鑊

正印貼出巨肚寫真後, Mandy同周焯華嘅法國嘴相就流出,搞到男嘅要補鑊慰妻。

正印 Heidi佗住「華種」七個月,其間還要招架小三衝擊,對於老公最近又孖住 Mandy蜜遊法國照曝光,華嫂狠狠發洩:「樹不要皮,必死冇疑,人不要臉,天下無敵。」

左右逢源的周焯華,識分庄閒。月前在春茗派對當眾高呼:「我是最愛老婆的!」力證周太永遠得一個外,所有公開活動,亦例拖老婆現身,俾足面守住頭家的華嫂。

與 Mandy法國蜜照流出後,周焯華立即補鑊!上週六(四月二十五日),下午攜眷出席澳門電影節,晚上又現身華嫂與陳山聰兄嫂、有澳門 ball后之稱的李碧君( Sophie)一同設立的君慧慈善會籌款晚宴。

一到場,周焯華便嚟料,大讚老婆將晚宴搞得有聲有色,又當住在場三十枱賓客又攬又嘴,再拖實滿場飛,務求對老婆寵幸程度,不下於 Mandy。

偷食行遠啲

「佢知道 Heidi要求好簡單,大時大節返屋企交人,愛錫仔女已經夠;所以華哥亦識做,好似嗰晚咁,全程黐實老婆。華哥屋企人包括老豆同家姐都好撐 Heidi,所以就算面對咁多刺激,佢都可以保持樂觀,唔會影響大肚心情。」知情者說。

要顧及老婆感受,周焯華於是選擇與 Mandy行遠啲!

「自從嗰次 Mandy喺澳門表演人肉坐墊後,華哥盡量安排同 Mandy出埠見,起碼冇喺香港、澳門咁揚。」知情者說。

與 Heidi一起成立君慧慈善會的澳門 ball后李碧君,當晚得產後速修身的老友黃心妙(黃心穎胞姐)捧場。

Heidi同李碧君搞的慈善 ball,得賭王孫女何家文設計拍賣手繩。



被正印暗寸「人不要臉」的小三 Mandy,日前忽重現 fb,仲開心些牙邊度買大肚婆衫,好

招搖。

去年 11月爆出澳門人肉坐墊後,有指周焯華為顧老婆感受,與 Mandy轉為出埠幽會。

鍾意就快D Share啦!