熱爆娛樂: 朱慧敏好吹得 [壹週刊

2015年8月6日星期四

想搵個靜啲嘅 cafe坐低，陳君宜提議上三樓，見到鏡頭，兩個笑得好開心。

撻訂叫停婚事，朱慧敏同男友 Eddie（彭懷安）雖然冇分手，但二人關係由未婚夫婦變成生意拍檔，但又唔關男方婚前偷食事，理由係大家對未來有分歧，包括生仔唔生仔，傾唔掂數。

好深！聽見都想死！感情塞咗喺樽頸位，朱慧敏事業反而有新發展，處女接拍內地劇賺人仔。上個禮拜，朱慧敏約咗老公做玩具生意嘅陳君宜喺中環飲茶，由兩點半吹到六點，足足三個半鐘，先捨得放陳君宜走，勁長氣。同人飲餐茶都咁，解決感情轇轕，恐怕朱慧敏要用以年計嘅時間。

遇到喺 Landmark外打躉搵食嘅錢箱黨，朱慧敏慷慨解囊。

同 Eddie冇正式分手嘅朱慧敏將對方形容為生意夥伴，就算結唔成婚都繼續合作做飲食生意。

陳君宜到咗，朱慧敏同陪佢行去 Landmark嘅女親友抱抱拜拜。

店員招呼二人坐欄杆位，朱慧敏同陳君宜吹足三個幾鐘。

鍾意就快D Share啦！