| 楊千嬅在西班牙拍攝內地真人騷《極速前進2》時遭狂牛撞傷。 | next 1/1 pre |
 | |
| 千嬅在拍攝「鬥牛」前向鬥牛勇士學藝。 | next 1/1 pre |
 | |
| 狂牛突襲，把千嬅撞跌地上。 | next 1/1 pre |
 | |
| 丁子高邊監視亂奔的狂牛，邊衝上前保護太太。 | next 1/1 pre |
 | |
| 千嬅遇襲後，丁子高上前查看太太的傷勢。 | next 1/1 pre |
 | |
| 千嬅經現場醫療人員檢查後表示只是擦傷手部沒有傷骨。 | next 1/1 pre |
 | |
| 丁子高大讚太太「心口有個勇字」。 | next 1/1 pre |
 | |
| 千嬅出戰「蕃茄大戰」。 | next 1/1 pre |
 | |
| 千嬅成功過關。 | next 1/1 pre |
 | |
| 千嬅與丁子高玩得好開心，丁子高又再次露出嚇人表情。 | next 1/1 pre |
藝人楊千嬅和老公丁子高拍攝內地真人騷《極速前進2》，每集都有驚險場面，繼上集曾志偉與丁子高摔跤時扭傷手後，最新一集千嬅和丁子高在西班牙要完成「鬥牛」及「蕃茄大戰」任務，不過「鬥牛」尚未開始，千嬅已被狂牛突襲受傷，嚇呆老公丁子高。
當時兩人正在準備期間，有一隻公牛從千嬅背後撞來，因事出突然，千嬅來不及走避而被撞跌在地上，丁子高都不顧公牛亂跑亂撞，即衝上前保護妻子，幸好經現場醫護人員檢查後只是擦傷手，並未有大礙。
獲讚「心口有個勇字」
千嬅表示：「呢次的確發生咗啲意外，好彩有驚無險，撞到嗰刻自己都好驚，個腦都一片空白，但我個人係清醒嘅，當時都有醫護人員在場幫我檢查，好好彩冇傷到骨，我可以起番身走動，當時可能要比賽未識驚，不過拍完咗先識驚，即刻去咗醫院檢查，喺醫院照X-Ray，清楚檢查過啲骨冇事。」
至於丁子高當然好擔心千嬅受傷，他還顯得十分緊張地說：「突然見隻牛向千嬅嗰邊撞過去，其實嗰一刻我嚇到真係呆咗，過咗幾秒自己都嗌咗一聲，即刻衝過去，個場面真係幾驚嚇，我當時都有諗唔好再玩，要即刻去醫院檢查，但經現場醫護人員檢查話冇事，千嬅就話繼續比賽，所以我覺得老婆好犀利，真係見識佢咩叫心口有個勇字！」
|
鍾意就快D Share啦！
|
|
|