樓價癲貴，年青人難以置業。現年30歲在滙豐銀行客戶服務部任職客戶經理、與中國欄王劉翔有八分相似的何先生（Chris），計劃明年和拍拖兩年的女友拉埋天窗，兩年前開始儲錢買樓，可惜一路儲錢，樓價一路升，買新盤又欠運氣，兩次都抽不中。這位屯門「劉翔」，仍未能成功跨過上車這道欄。
Chris現在與家人居於屯門安定邨一個出租公屋單位，月入逾3萬元，連公司獎金月入可達5萬元，收入在「80後」而言算是可觀，雖然這兩年已儲蓄逾20萬元，「感覺喺香港儲幾多都係唔夠」，人工追不上樓價，坦言買樓對年青人是一件很遙遠的事。
樓價不斷上升，希望明年結婚的Chris惟有將貨就價，「唔諗住租，最多買細啲」。其實能夠在短短2年儲到逾20萬元已算叻仔，但他卻謙稱，「我其他同事搵得同儲得多過我好多」。
現時樓價高企，很多年青人成功上車皆須父幹，但Chris堅決「唔使屋企幫」，靠自己賺取的一分一毫置業。加上他在銀行工作，買樓按揭應該有着數。他稱，「公司按揭plan，（自己）未必需要做八、九成（按揭），按揭利息好似最盡只係厘零」，較現時市場按息逾兩厘為低。
Chris與其他年青人一樣，樓價越睇越升。他在一年前開始睇樓，而且一及二手樓通殺，「冇得揀地點，按樓價搵樓，自己Budget四百餘萬，啱就ok，私樓又好，居屋都冇所謂」，最緊要價錢能夠負擔。他又曾入票認新盤，包括新地（016）的東涌東環1期及元朗洪水橋尚築，可惜欠運氣，抽不到。東環2期即將開售，他會考慮再入票。
Chris是記者在屯門山景邨企街做「頭仔」時認識的，問他山景邨有個95萬元放盤時，他的反應是，「乜仲有100萬樓下的樓咩？」。問他會不會買，他答「唔會，因為自己都住緊屯門，呢度冇咁方便，係洗牙才經過，好少嚟呢度，感覺上好似幾隔涉，我細個喺呢頭讀書，真係好少嚟山景，以前次次嚟都是得一架輕鐵505號到。」他住在屯門10多年，踏足山景邨不多於10次。不過，仲有100萬元內放盤，他相信可以幫到其他人上車。
Chris對樓市略有研究，他表示自己未買樓，當然想樓價跌，但睇不到樓價會大跌，只希望明年政府供應開始增加，加上近期股市波動，兩樣夾擊希望樓價會有所調整，「樓價有啲調整，等同我一樣想上車的人可以容易咗買樓」。
記者: 朱連峰
|
鍾意就快D Share啦！
|
|
|